ଦାରିଙ୍ଗବାଡ଼ିରେ ବିଜେଡିର ମିଶ୍ରଣ ପର୍ଵ ଅନୁଷ୍ଠିତ । ୧୩୨ଜଣ ବିଜେପି ଓ କଂଗ୍ରେସ କର୍ମୀ ବିଜେଡ଼ି ରେ ସାମିଲ l

ଦାରିଙ୍ଗବାଡ଼ି,୧୨/୪(ସୁଶାନ୍ତ କୁମାର ସାହୁ)
ଦାରିଙ୍ଗବାଡ଼ି ବ୍ଲକ ସ୍ଥିତ ମିଶ୍ର କଲ୍ୟାଣ ମଣ୍ଡପ ଠାରେ ବିଜୁ ଜନତା ଦଳ ପକ୍ଷରୁ ମିଶ୍ରଣ ପର୍ଵ ଅନୁଷ୍ଠିତ ହୋଇଥିଲା । ଏଥିରେ ଅତିଥି ଭାବେ କନ୍ଧମାଳ ସାଂସଦ ତଥା ସାଂସଦ ପ୍ରାର୍ଥୀ ଡା. ଅଚ୍ୟୁତ ସାମନ୍ତ ଓ ଘୁ.ଉଦୟଗିରି ବିଧାୟକ ତଥା ବିଧାୟକ ପ୍ରାର୍ଥୀ ସାଲୁଗା ପ୍ରଧାନ ଯୋଗଦେଇ ଥିଲେ । କାର୍ଯ୍ୟକ୍ରମକୁ ବିଜୁ ଜନତା ଦଳ ବ୍ଳକ ସଭାପତି ଜ୍ୟୋତିରାଜ ପ୍ରଧାନ, ବ୍ଳକ କାର୍ୟ୍ଯକାରୀ ସଭାପତି ଦିଲ୍ଲୀପ କୁମାର ପ୍ରଧାନ ଓ ଜିଲ୍ଲା ପରିଷଦ ସଭ୍ୟ ରଞ୍ଜନ ପ୍ରଧାନ ପରିଚାଳନା କରିଥିଲେ ।

ବିଧାୟକ ପ୍ରତିନିଧି ଦୀପକ କୁମାର ସାହୁ ସାଂସଦଙ୍କୁ ଫୁଲ ତୋଡ଼ାଦେଇ ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ । ସେହିପରି ସାଂସଦ ପ୍ରତିନିଧି ଅକ୍ଷୟ କୁମାର ନାୟକ ଫୁଲ ତୋଡ଼ାଦେଇ ବିଧାୟକଙ୍କୁ ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ । ଏହି ଅବସରରେ ଦାରିଙ୍ଗବାଡ଼ିର ଲଡୁକିଶୋର ସାହୁ, ଦିଲ୍ଲୀପ କୁମାର ସାହୁ, ରଞ୍ଜିତ ସେନାପତି,ସୋରାଜ ସାହୁ, ରୋହିତ ସାହୁଙ୍କ ନେତୃତ୍ୱରେ ବହୁ ସଂଖ୍ୟକ ବିଜେପି କର୍ମୀ ଓ ପଦାଧିକାରୀ ବିଜେଡିରେ ସାମିଲ ହୋଇଥିଲେ । ବିଧାୟକ ଓ ସାଂସଦ ଦଳୀୟ ଉତରୀୟ ପ୍ରଦାନ କରି ଆନୁଷ୍ଠାନିକ ଭାବେ ସ୍ୱାଗତ କରିଥିଲେ ।ସେହିପରି ବ୍ଳକର ବିଭିନ୍ନ ଗ୍ରାମ ପଞ୍ଚାୟତର ୧୩୨ଜଣ ବିଜେପି ଓ କଂଗ୍ରେସ କର୍ମୀ ଓ ପଞ୍ଚାୟତ ପଦାଧିକାରୀ ବିଜେଡିରେ ଯୋଗଦେଇଥିଲେ ।

ଏହାକୁ ବିଧାୟକ ଓ ସାଂସଦ ତାଙ୍କ ବକ୍ତବ୍ୟରେ ପ୍ରଶଂସା କରିବା ସହିତ ଆସନ୍ତା ସାଧାରଣ ନିର୍ବାଚନରେ ବିଜୁ ଜନତା ଦଳର ବିଧାୟକ ଓ ସାଂସଦ ପ୍ରାର୍ଥୀ ବିଜୟ ସୁନିଶ୍ଚିତ ଏହି ମିଶ୍ରଣ ପର୍ବରୁ ଜଣା ପଡ଼ୁଛି ବୋଲି ପ୍ରକାଶ କରିଥିଲେ । ଓଡ଼ିଶାର ପୁଣି ଷଷ୍ଠଥର ନବୀନ ପଟ୍ଟନାୟକ ମୁଖ୍ୟମନ୍ତ୍ରୀ ହେବେ କନ୍ଧମାଳ ଜିଲ୍ଲା ତଥା ଘୁ.ଉଦୟଗିରି ବିଧାନସଭା ନିର୍ବାଚନ ମଣ୍ଡଳୀର ବିକାଶ କରିବା ପାଇଁ ମେ ୨୦ତାରିଖ ଦିନ ପ୍ରଥମେ ଶଙ୍ଖ ଚିହ୍ନ ଓ ଦ୍ୱିତୀୟରେ ମଧ୍ୟ ଶଙ୍ଖ ଚିହ୍ନରେ ସୁଇଛ ଅନକରି ଭୋଟ ମାରିବା ପାଇଁ ଘରେ ଘରେ ପହଞ୍ଚି ଲୋକଙ୍କୁ ବୁଝାଇବା ପାଇଁ କର୍ମୀଙ୍କୁ ଆହ୍ୱାନ ଦେଇଥିଲେ ।