ରାଜନୀତି

ସାଧାରଣ ନିର୍ବାଚନର ବିଗୁଲ ବାଜି ସାରିଛି – ବିଧାୟକ ପ୍ରାର୍ଥୀ ଶ୍ରୀ କାଳୁ ଚରଣ ଖଣ୍ଡେଇତରାୟ

ସାଧାରଣ ନିର୍ବାଚନର ବିଗୁଲ ବାଜି ସାରିଛି। ନେତା ମାନେ ନିଜ ନିଜ ନିର୍ବାଚନ ମଣ୍ଡଳୀରେ ନିଜର ଶକ୍ତି ପଦର୍ଶନ ଆରମ୍ଭ କରି ସାରିଲେଣି। ଆଜି ଖୋର୍ଦ୍ଧା ନିର୍ବାଚନ ମଣ୍ଡଳୀ ଟାଙ୍ଗୀ ବ୍ଲକ ଭୁସଣ୍ଡପୁର ପଞ୍ଚାୟତରେ ରାଜ୍ୟ କାର୍ଯ୍ୟକାରିଣୀ ସଦସ୍ୟ ତଥା ବିଧାୟକ ପ୍ରାର୍ଥୀ ଶ୍ରୀ କାଳୁ ଚରଣ ଖଣ୍ଡେଇତରାୟ ଙ୍କ ନେତୃତ୍ୱରେ ୧୦୦୦ ରୁ ଉର୍ଦ୍ଧ ଯୁବକ, ମହିଳା ଓ ବୁଦ୍ଧିଜୀବୀ ମାନେ ଏକତ୍ରିତ ହୋଇ ଦୁଆର ଦୁଆର ବୁଲି ପ୍ରଧାନ ମନ୍ତ୍ରୀ ତଥା ପ୍ରଧାନ ସେବକ ଶ୍ରୀଯୁକ୍ତ ନରେନ୍ଦ୍ର ମୋଦିଙ୍କ ବିକାଶର ଗାଥାକୁ ଘରେ ଘରେ ପହଞ୍ଚାଇବା ସହିତ ଭାରତ ମାତା କି ଜୟ, ଜୟ ଶ୍ରୀ ରାମ, ନରେନ୍ଦ୍ର ମୋଦି ଜିନ୍ଦାବାଦ, ଅପରାଜିତା ଷଡ଼ଙ୍ଗୀ ଜିନ୍ଦାବାଦ ଓ କାଳୁ ଖଣ୍ଡେଇତରାୟ ଜିନ୍ଦାବାଦ ନାରା ରେ ଏକ ସୁନ୍ଦର ଅଦଭୁତପୂର୍ଣ ପରିବେଶ ସୃଷ୍ଟି ହେବା ସହିତ ଶ୍ରୀ ଖଣ୍ଡେଇତରାୟ ଙ୍କ ଲୋକପ୍ରିୟତା ବାରି ହୋଇ ପଡୁଥିଲା। ଆମ ପ୍ରତିନିଧିଙ୍କୁ ସାକ୍ଷାତକାର ଦେଇ ଶ୍ରୀ କାଳୁ ଖଣ୍ଡେଇତରାୟ କହି ଥିଲେ ମୁଁ ଭାରତୀୟ ଜନତା ପାର୍ଟିରେ ଥିଲି, ଅଛି ଓ ଆଗାମୀ ଦିନରେ ରହିବି ମଧ୍ୟ। ଟିକେଟ କଥା ପଚାରିବାରୁ ସେ କହି ଥିଲେ ଭାରତୀୟ ଜନତା ପାର୍ଟିର ଶୀର୍ଷ ନେତୃତ୍ବଙ୍କ ଉପରେ ମୋର ଆସ୍ଥା,ବିଶ୍ୱାସ ଓ ଭରସା ରହିଛି। ଦୀର୍ଘ ସାତ ବର୍ଷ ଧରି ମୁଁ ସଂଗଠନର ସମସ୍ତ କାର୍ଯ୍ୟକ୍ରମ କରିବା ସହିତ ମଣ୍ଡଳ କମିଟି ପଂଚାୟତ କମିଟି ଓ ବୁଥ କମିଟି କରି ସଂଗଠନ କୁ ମଜବୁତ କରିବା କାର୍ଯ୍ୟକ୍ରମ ଜାରି ରଖିଛି। ତେଣୁ ଟିକେଟ ମୋତେ ନିଶ୍ଚୟ ମିଳିବ ବୋଲି ମୁଁ ଆଶା ବ୍ୟକ୍ତ କରୁଛି। ଅନ୍ୟମାନଙ୍କ ମଧ୍ୟରେ ନିରାକାରପୁର ମଣ୍ଡଳ ସଭାପତି ଆଲୋକ ରଞ୍ଜନ ଛୋଟରାୟ, ବଡ଼ପୋଖରିଆ ମଣ୍ଡଳ ସଭାପତି ବିପିନ ପାଲଟାସିଂହ, ଜିଲ୍ଲା ପରିଷଦ ପାର୍ଥି ଆଶିଷ ବରିସଲ, ପ୍ରକାଶ ସାହୁ, ଗଙ୍ଗାଧର ଚମ୍ପତି, ମନୋରଞ୍ଜନ ଦାସ, ସଂଗ୍ରାମ କେଶରୀ ପଟନାୟକ, ପୂର୍ଣ ଚନ୍ଦ୍ର ପରିଡା, ମହନ୍ତ ବେହେରା, କିଶୋର ଚନ୍ଦ୍ର ବରାଳ ନଗର ସାଧାରଣ ସମ୍ପାଦକ ତ୍ରିଲୋଚନ ଦାସ,ଅଭିମନ୍ୟୁ ଘଟୁଆଳ ଜିତେନ୍ଦ୍ର ବେହେରା,ପ୍ରଦ୍ୟୁମ୍ନ ହରିଚନ୍ଦନ,ରଞ୍ଜନ ବଡ଼ଜେନା ପ୍ରମୁଖ ବହୁ ଅଗଧାଡ଼ିର କାର୍ଯ୍ୟକର୍ତ୍ତା ମାନେ ଉପସ୍ଥିତ ଥିଲେ