କୁମାର ପୂର୍ଣ୍ଣିମା ଉତ୍ସବ ପାଳିତ, ଯୋଗଦେଲେ ଖୋର୍ଦ୍ଧା ବିଧାୟକ।

ମୋ ଟିଭି ଓଡିଶା / ଖୋର୍ଦ୍ଧା :

ଖୋର୍ଦ୍ଧା ଜିଲ୍ଲା ନିରାକାରପୁର ଥାନା ଅଧିନସ୍ଥ ଡିଆ ଗ୍ରାମର ଅଗ୍ରଣୀ ଶୁଭାକାଂକ୍ଷୀ ୟୁଥ କ୍ଲବ ଆନୁକୂଲ୍ୟରେ କୁମାର ପୂର୍ଣ୍ଣିମା ଉତ୍ସବ ପାଳିତ ହୋଇଯାଇଛି। ପ୍ରତିବର୍ଷ ଭଳି ଚଳିତ ବର୍ଷ ମହା ଆଡମ୍ବରରେ ସାସ୍କୃତିକ କାର୍ଯ୍ୟକ୍ରମ ସହିତ କୁମାର ପୂର୍ଣ୍ଣିମା ଉତ୍ସବ ପାଳିତ କରାଯାଉଛି ।

ଉତ୍ସବରେ ମୂଖ୍ୟ ଅତିଥି ଭାବରେ ଖୋର୍ଦ୍ଧା ବିଧାୟକ ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବରେ ଟାଗିଂ ବ୍ଲକ ଉପାଧ୍ୟକ୍ଷ ଦୁର୍ଗା ପ୍ରସାଦ ନାଥଶର୍ମା, ଜିଲ୍ଲା ପରିଷଦ ସଭ୍ୟ ବିଜୟ କୁମାର ପାଲଟାସିଂହ, ସ୍ଥାନୀୟ ସରପଞ୍ଚ ପ୍ରଶାନ୍ତ ବେହେରା, ନିରାକାରପୁରର ପୂର୍ବତନ ସରପଞ୍ଚ ବିପିନ ଜୟସିଂହ, ଅବସରପ୍ରାପ୍ତ ଶିକ୍ଷାବିତ ସଂଜୟ କୁମାର ମହାପାତ୍ର, ପୂର୍ଣ୍ଣଚନ୍ଦ୍ର ଦାଶ, ସନ୍ତୋଷ ମହାପାତ୍ର ପ୍ରମୁଖ ଯୋଗଦେଇଥିଲେ।

ଭୂବନେଶ୍ୱର ରୁ ଆସିଥିବା କଳାକାର ମାନେ ସାସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ। ରାତି ତମାମ ସାସ୍କୃତିକ କାର୍ଯ୍ୟକ୍ରମ ସହିତ ବିଭିନ୍ନ ରଗାଂରଗଂ କାର୍ଯ୍ୟକ୍ରମ ହୋଇଥିଲା l କାକର ଭିଜା ଶିତୁଆ ରାତିର ସାସ୍କୃତିକ କାର୍ଯ୍ୟକ୍ରମ କୁ ଲୋକମାନେ ଉପଭୋଗ କରିଥିଲେ।