କୋଲକତା ଡାକ୍ତର ଦୁଷ୍କର୍ମ ମାମଲା।

ସଞ୍ଜୟ ରାୟକୁ ଆଜୀବନ ଜେଲ୍ ଦଣ୍ତାଦେଶ। କୋଲକାତା ଆରଜି କର ହସ୍ପିଟାପ ଡାକ୍ତର ଦୁଷ୍କର୍ମ ଓ ହତ୍ୟା ମାମଲାରେ ଦୋଷୀ ସଂଜୟ ରାୟକୁ ଆଜୀବନ ଜେଲ୍ ଦଣ୍ତାଦେଶ । ଆଜୀବନ ଦଣ୍ତାଦେଶ ଶୁଣାଇଲେ ସିଆଲଦା କୋର୍ଟ । ତେବେ ମୃତ୍ୟୁ ପର୍ଯ୍ୟନ୍ତ ଜେଲରେ ରହିବ ଦୋଷୀ ସଂଜୟ ରାୟ । କୋଲକାତାର ଆରଜି କର ମାମଲାରେ ଦଣ୍ଡ ଘୋଷଣା କରାଯାଇଛି। କୋର୍ଟ ତାଙ୍କ ରାୟ ଶୁଣାଇ ଦୋଷୀ ସଞ୍ଜୟ ରାୟଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି। ଅଭିଯୁକ୍ତ ଏବଂ ଅନ୍ୟମାନଙ୍କ ଚୂଡ଼ାନ୍ତ ବୟାନ ଶୁଣିବା ପରେ ଏହି ଦଣ୍ଡାଦେଶ ଶୁଣାଇଛନ୍ତି।ରାୟ ପ୍ରକାଶ କରିବା ପୂର୍ବରୁ ଦୋଷୀକୁ କୋର୍ଟରେ ହାଜର କରାଯାଇଥିଲା।

ଏହି ସମୟରେ ସଞ୍ଜୟ ରାୟ କୋର୍ଟକୁ କହିଥିଲେ ଯେ ମୋତେ ଫସାଇ ଦିଆଯାଉଛି, ମୁଁ କୌଣସି ଅପରାଧ କରିନାହିଁ। ଏହା ଉପରେ ସିବିଆଇ କହିଛି ଯେ, ଏହା ଏକ ଜଘନ୍ୟ ଅପରାଧ। ଏହା ସମଗ୍ର ଦେଶକୁ ଥରାଇ ଦେଇଥିଲା। ସମାଜରେ ଲୋକଙ୍କ ବିଶ୍ୱାସ ବଜାୟ ରଖିବା ପାଇଁ ଆମେ କଠୋରତମ ଦଣ୍ଡ ପାଇଁ ଅନୁରୋଧ କରୁଛୁ ବୋଲି ସିବିଆଇ ଓକିଲ କୋର୍ଟଙ୍କୁ କହିଥିଲେ। ଏହି ମାମଲାରେ, ପୀଡିତାଙ୍କ ମାତାପିତା ଦୋଷୀକୁ ମୃତ୍ୟୁଦଣ୍ଡ ଦେବାକୁ ଦାବି କରିଛନ୍ତି।

ତାଙ୍କ ଯୁକ୍ତିରେ, ସଞ୍ଜୟ ରାୟଙ୍କ ଓକିଲ କହିଥିଲେ ଯେ, ଦୋଷୀକୁ ମୃତ୍ୟୁଦଣ୍ଡ ବଦଳରେ ଅନ୍ୟ କିଛି ଦଣ୍ଡ ଦିଆଯିବା ଉଚିତ। କୋର୍ଟ କହିଥିଲେ, ଏହା ଏକ ବିରଳରୁ ବିରଳ ଘଟଣା ନୁହେଁ। କୋର୍ଟକୁ ଦର୍ଶାଇବାକୁ ପଡିବ ଯେ ଦୋଷୀ କାହିଁକି ସଂସ୍କାର କିମ୍ବା ପୁନର୍ବାସ ଯୋଗ୍ୟ ନୁହେଁ। ସରକାରୀ ଓକିଲଙ୍କୁ ପ୍ରମାଣ ଏବଂ କାରଣ ଉପସ୍ଥାପନ କରିବାକୁ ପଡିବ ଯେ କାହିଁକି ସେହି ବ୍ୟକ୍ତି ସଂସ୍କାରଯୋଗ୍ୟ ନୁହଁନ୍ତି ଏବଂ ତାଙ୍କୁ ସମାଜରୁ ସମ୍ପୂର୍ଣ୍ଣ ଭାବରେ ଦୂର କରିଦିଆଯିବା ଉଚିତ।

ମୋ ଟିଭି ଓଡିଶା, କୋଲକତା