କଳାହାଣ୍ଡି ଜିଲ୍ଲା କୋକସରା ବ୍ଲକ ବଡକେନ୍ଦୁଗୁଡା ଖେଳ ପଡ଼ିଆରେ ବୁଧବାର ମାଁ ଲଙ୍କେଶ୍ୱରୀ କ୍ରିକେଟ ଟୁର୍ଣ୍ଣାମେଣ୍ଟ ଉଦ୍ଘାଟିତ ହୋଇଯାଇଛି । ବୁଧବାର ସକାଳେ ଉଦ୍ଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ମାଁ ଲଙ୍କେଶ୍ୱରୀ ଯୁବକ ସଂଘର ସଭାପତି ଆଦିତ୍ୟ ପଣ୍ଡା ଯୋଗ ଦେଇ ଆନୁଷ୍ଠାନିକ ଭାବେ ଏହାର ଉଦଘାଟନ କରିଥିଲେ। ଉଦଘାଟନୀ ପ୍ରଥମ ମ୍ୟାଚ ଡୁଡୁକାଠେଙ୍ଗା ଓ ତେନ୍ତୁଳି ପଡା ମଧ୍ୟରେ ଅନୁଷ୍ଠିତ ହୋଇଥିଲା। ଏଥିରେ ଡୁଡୁକାଠେଙ୍ଗା ଦଳ ବିଜୟୀ ହୋଇଥିଲା ।
ସେହିପରି ଦ୍ଵିତୀୟ ମ୍ୟାଚ ବେହେରା ଓ ବଡ ପୋଡାଗୁଡା ମଧ୍ୟରେ ଅନୁଷ୍ଠିତ ହୋଇଥିଲା। ଏଥିରେ ବେହେରା ଦଳ ବିଜୟ ହାସଲ କରିଥିଲା।ତିଳକ ରଞ୍ଜନ ନାଗ ଓ ଵିନୟ ରାଉତ ଅମ୍ପାୟାର ଭାବେ ଖେଳ ପରିଚାଳନା କରିଥିଲେ I ଚାମ୍ପିୟାନ ଟ୍ରଫିର ଆୟୋଜକ ଲିଟିଲ୍ ଷ୍ଟାର କ୍ରିକେଟ କ୍ଲବର ସଭାପତି ଅଜିତ ନାଏକ, ସମ୍ପାଦକ ତ୍ରିଭୂବନ ହଂସ, ସଦସ୍ୟ ତ୍ରିନାଥ ନାଗ, ପ୍ରଶାନ୍ତ ନାଏକ, ଫାଲ୍ଗୁନୀ ନାଏକ, ହିମାଞ୍ଚଳ ରାଉତ, ପ୍ରିୟ ରଞ୍ଜନ ନାଏକ ପ୍ରମୁଖ କର୍ମକର୍ତ୍ତା ଓ ଗ୍ରାମବାସୀ ଉପସ୍ଥିତ ରହି ସହଯୋଗ କରିଥିଲେ। କୋକସରା, ଜୟପାଟଣା ଓ ଧର୍ମଗଡ ବ୍ଲକର ୨୪ଟି କ୍ରିକେଟ ଟିମ୍ ଏହି ଟୁର୍ଣ୍ଣାମେଣ୍ଟରେ ଭାଗ ନେଉଥିବା ଜଣାପଡିଛି।
ମୋ ଟିଭି ଓଡିଶା, କଳାହାଣ୍ଡି
More Stories
ଉନ୍ନୟନ କମିଶନର ତଥା ଜଳ ସଂପଦ ବିଭାଗ ଅତିରିକ୍ତ ମୁଖ୍ୟ ଶାସନ ସଚିବଙ୍କ ସମ୍ବଲପୁର ଓ ବରଗଡ଼ ଜିଲ୍ଲାର ଜଳସେଚନ ପ୍ରକଳ୍ପ ପରିଦର୍ଶନ
ଜାନୁଆରୀ ୨୭ରେ ମୁଖ୍ୟମନ୍ତ୍ରୀଙ୍କ ଜନ ଅଭିଯୋଗ ଶୁଣାଣି ବନ୍ଦ ରହିବ
ବାରବାଟୀ ଟିକେଟ୍ କିଣିଲେ ଧର୍ମେନ୍ଦ୍ର।