ଛତିଶଗଡ଼ରେ ଜୋରଦାର ଚାଲଛି ମାଓ ଅପରେସନ୍।

ଛତିଶଗଡ଼ ମେଟାଗୁଡେମ ଓ ଦୁଲେର ଗାଁ ଜଙ୍ଗଲରେ ସର୍ଚ୍ଚ ଅପରେସନ ବେଳେ ବନ୍ଧୁକ କାରଖାନା ଠାବ । ବିପୁଳ ବିସ୍ଫୋରକ ସହ ମାଓବାଦୀଙ୍କ ବନ୍ଧୁକ କାରଖାନା ଠାବ ହୋଇଛି । କୋବ୍ରା ଓ ସିଆରପିଏଫ ଯବାନ ଚଳାଇଛନ୍ତି ଅପରେସନ । ୨୧ଟି ଆଇଇଡି, ଗ୍ରେନେଡ ସହ ଗୋଳାବାରୁଦ ପ୍ରସ୍ତୁତି ସାମଗ୍ରୀ ଜବତ ହୋଇଛି । ଜେନେରେଟର, ୱେଲଡିଙ୍ଗ ମେଶିନ, ଲେଥ୍ ମେଶିନ ସାମଗ୍ରୀ ଜବତ ହୋଇଛି। ବନ୍ଧୁକ ତିଆରି ସରଂଜାମ ସହ ବିସ୍ଫୋରକ ସାମଗ୍ରୀ ମଧ୍ୟ ଜବତ କରାଯାଇଛି। ସୁକୁମା ଜିଲ୍ଲା ମେଟାଗୁଡା ଓ ଦୁଲେଡ ଜଂଗଲରେ କୁମ୍ବିଂ ଅପରେସନ୍‌ ବେଳେ କୋବ୍ରା ଓ ସିଆରପିଏଫ୍ ଯବାନ ଏହି ବିସ୍ଫୋରକ ସାମଗ୍ରୀ ଜବତ କରିଛନ୍ତି। ସେପଟେ ମାଲକାନଗିରି ଛତିଶଗଡ ସୀମାନ୍ତ ବିଜାପୁର ଜିଲ୍ଲାର ଗାଙ୍ଗାଲୁର ଜଙ୍ଗଲରେ ମାଓବାଦୀ ମାନେ ଖଞ୍ଜିଥିବା ଲେଣ୍ଡମାଇନ ଉଦ୍ଧାର କରି ତାହାକୁ ନିଷ୍କ୍ରିୟ କରିଛନ୍ତି ସୁରକ୍ଷା କର୍ମୀ । ଡିଆରଜି ଓ କୋବ୍ରା ବାହିନୀର ଯବାନ ମାନେ କୁମ୍ବିଂ ଅପରେସନ ଯାଇଥିବା ବେଳେ ଲ୍ୟାଣ୍ଡମାଇନ ଡିଟେକ୍ଟର ସହାୟତାରେ ଏହି ଆଇଇଡି ଠାବ କରିଥିଲେ । ପରେ ଏହାକୁ ଅତି ସତର୍କତାର ସହ ନିଷ୍କ୍ରିୟ କରିଛନ୍ତି ସୁରକ୍ଷା କର୍ମୀ । ଦେଖନ୍ତୁ ସେହି ବିସ୍ଫୋରଣର ତୀବ୍ରତା କେମିତି ରହିଛି । ଯବାନଙ୍କୁ ଟାର୍ଗେଟ କରି ମାଓବାଦୀ ମାନେ ଜଙ୍ଗଲ ଭିତରେ ଏହି ଆଇଇଡି ଲଗାଇଥିଲେ । ଏହି ଘଟଣା ପରେ ଯବାନଙ୍କ ପକ୍ଷରୁ ସଂପୃକ୍ତ ଅଞ୍ଚଳରେ ସର୍ଚ୍ଚ ଅପରେସନ ଜୋରଦାର କରାଯାଇଛି ।

ମୋ ଟିଭି ଓଡିଶା, ମାଲକାନଗିରି