ଖୋର୍ଦ୍ଧା ବିଧାନସଭା ନିର୍ବାଚନ ମଣ୍ଡଳୀରେ ମିଶ୍ରଣପର୍ବ ଓ ମୋଟର ସାଇକେଲ ଶୋଭାଯାତ୍ରା।

ମୋଟିଭି ଓଡିଶା : ଖୋର୍ଦ୍ଧା ୧୩/୦୫: ଖୋର୍ଦ୍ଧା ବିଧାନସଭା କ୍ଷେତ୍ର ଟାଙ୍ଗି ସ୍ଥିତ ମଧୁମଗଂଳ ପଡିଆ ଠାରେ ଟାଙ୍ଗି ବ୍ଲକର ବିଭିନ୍ନ ଗ୍ରାମପଞ୍ଚାୟତର ବିଜେଡିର‌ ୨୦୦ ରୁ ଉର୍ଦ୍ଧ୍ବ କର୍ମୀ ବିଜେପିରେ ଯୋଗଦେଇଛନ୍ତି। ବିଜେପି ର ନୀତି ଆଦର୍ଶ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନକଲ୍ୟାଣକାରୀ ଯୋଜନାରେ ଅନୁପ୍ରାଣିତ ଓ ଭୂବନେଶ୍ୱର ସାସଂଦ ଅପରାଜିତା ଷଡ଼ଙ୍ଗୀ ଓ ଖୋର୍ଦ୍ଧା ବିଧାନସଭା କ୍ଷେତ୍ରର ଭାଜପା ବିଧାୟକ ପ୍ରାର୍ଥୀ ପ୍ରଶାନ୍ତ ଜଗଦ୍ଦେବଙ୍କ ନେତୃତ୍ବକୁ ଭରଷା କରି ଭାରତୀୟ ଜନତା ପାର୍ଟିରେ ଏକାଧିକ ସରପଞ୍ଚ, ସମିତିସଭ୍ୟ ସମିତିସଭ୍ୟା, ବୁଦ୍ଧିଜୀବୀ, ଶିକ୍ଷାବିତ, ଯୁବ ଓ ସାଧାରଣ ଜନତା ଆନୁଷ୍ଠାନିକ ଭାବେ ସାମିଲ୍ ହୋଇଥିଲେ।

ବିଜେପି ର ମିଶ୍ରଣ ପର୍ବ ପରେ ଶହଶହ ମୋଟର ସାଇକେଲ ଶୋଭାଯାତ୍ରା ଟାଙ୍ଗି ଗ୍ରାମପଞ୍ଚାୟତ, ବଡପାରି ଗ୍ରାମପଞ୍ଚାୟତ, ରାମଚନ୍ଦ୍ରପୁର ଗ୍ରାମପଞ୍ଚାୟତ, ପାରିଓରଡ ଗ୍ରାମପଞ୍ଚାୟତ, କୁହୁଡି ଗ୍ରାମପଞ୍ଚାୟତ ଓ ରତନପୁର ଗ୍ରାମପଞ୍ଚାୟତ ର ବିଭିନ୍ନ ଗ୍ରାମକୁ ଯାଇ ଭୋଟରଙ୍କ ନିକଟତର ହୋଇଥିଲେ। ବିଜେପି ଶୋଭାଯାତ୍ରା ଯାଉଥିବା ବେଳେ ସ୍ୱତଃପ୍ରଭୁତ ଭାବରେ ହଜାର ହଜାର ଲୋକ ବିଜେପି ବିଧାୟକ ପ୍ରଶାନ୍ତ ଜଗଦ୍ଦେବଙ୍କୁ ସମର୍ଥନ ଜଣାଇବା ଦେଖାଦେଇଥିଲା।