ସଡକ ଦୁର୍ଘଟଣା ୩୦ ଫୁଟ ତଳକୁ ଖସିଲା ମା, ପୁଅ ଗୁରୁତ୍ତର।

ମୋ ଟିଭି ଓଡିଶା / ଖୋର୍ଦ୍ଧା : ୧୬ ନମ୍ଵର୍ ଜାତୀୟ ରାଜପଥ ଉପରେ ମର୍ମନ୍ତୁକ ସଡକ ଦୁର୍ଘଟଣା, ଦୁର୍ଘଟଣାରେ ୩୦ଫୁଟ ତଳକୁ ଖସିଲା ମା, ଘଟଣା ସ୍ଥଳରେ ମା ର ମୃତ୍ୟୁ ଏବଂ ପୁଅ ଚିକିତ୍ସାଧିନ ଭାବେ ଡାକ୍ତରଖାନା ରେ ଭର୍ତ୍ତି। ଏକ ଶୁଦ୍ଧିକ୍ରିୟା ରେ ଯୋଗଦେବାପାଇଁ ମଳିପଡ଼ା ଗ୍ରାମର ମମତା ବଡଜେନା ୪୦ ବର୍ଷ ଏବଂ ପୁଅ ଶୁଭମ ବଡଜେନା ୧୯ ବର୍ଷ ଏକ ମୋଟରସାଇକେଲ ଯୋଗେ ନାଚୁଣୀ ଅଭିମୁଖେ ଯାତ୍ରା କରୁଥିବାବେଳେ ନୟାଗଡ଼ ଜିଲ୍ଲା ଚାନ୍ଦପୁର ଥାନା ଅଧୀନସ୍ଥ ଶନି ମନ୍ଦୀର ନିକଟସ୍ତ ଓଭରବ୍ରିଜ୍ ଉପରେ ଦୁଇଟି ଟ୍ରକ ଓଭର୍ ଟେକ କରୁଥିବା ବେଳେ ଗାଡ଼ିଚାଳକ ଶୁଭମ ଭୟଭୀତ ହୋଇ ଭାରସାମ୍ୟ ହରାଇ ଓଭରବ୍ରିଜ୍ ରେ ଥିବା ଦେବାଲ ରେ ମାଡହୋଇ ଦୁର୍ଘଟଣା ଘଟିଥିଲା। ଦୁର୍ଘଟଣାରେ ମା ମମତା ବଡଜେନା ଓଭରବ୍ରିଜ୍ ଉପରୁ ୩୦ ଫୁଟ ତଳକୁ ଖୁସିଥିଲେ। ଘଟଣା ସ୍ଥଳରେ ମମତା ଙ୍କ ର ମୃତ୍ୟୁ ଘଟିଥିବାବେଳେ ସ୍ଥାନୀୟ ଯୁବକ ମାନେ ଗୁରୁତ୍ତର ଅବସ୍ତାରେ ପୁଅ ଶୁଭମ୍ କୁ ବସନ୍ତ ମଞ୍ଜୁରୀ ସ୍ୱାସ୍ଥ୍ୟ ନିବାସରେ ଭର୍ତ୍ତି କରିଥିଲେ। ଚାନ୍ଦପୁର ପୋଲିସ ପହଂଚି ଶବ ଜବତ କରିବା ସହ ଅଧିକ ତଦନ୍ତ କରୁଛି।