ବିଜେପି ବିଧାୟକ ପ୍ରାର୍ଥୀଙ୍କ ମୋଟର ସାଇକେଲ ଶୋଭାଯାତ୍ରା।

ମୋଟିଭି ଓଡିଶା : ଖୋର୍ଦ୍ଧା : ଖୋର୍ଦ୍ଧା ବିଧାନସଭା କ୍ଷେତ୍ର ଖୋର୍ଦ୍ଧା ବ୍ଲକ ୩ନମ୍ବର ଜୋନ ବାଜପୁର ଗ୍ରାମପଞ୍ଚାୟତ ଠାରୁ ଜଂକିଆ ଗ୍ରାମପଞ୍ଚାୟତ ପର୍ଯ୍ୟନ୍ତ ବିରାଟ ମୋଟର ସାଇକେଲ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି। ବିଜେପି ର ନୀତି ଆଦର୍ଶ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନକଲ୍ୟାଣକାରୀ ଯୋଜନାରେ ଅନୁପ୍ରାଣିତ ହୋଇ ନିର୍ବାଚନ ରଣନୀତି ଚାଲିଛି।ଭୂବନେଶ୍ୱର ସାସଂଦ ଅପରାଜିତା ଷଡ଼ଙ୍ଗୀ ଓ ଖୋର୍ଦ୍ଧା ବିଧାନସଭା କ୍ଷେତ୍ରର ବିଜେପି ବିଧାୟକ ପ୍ରାର୍ଥୀ ପ୍ରଶାନ୍ତ ଜଗଦ୍ଦେବଙ୍କ ନେତୃତ୍ବକୁ ଭରଷା କରି ଭାରତୀୟ ଜନତା ପାର୍ଟିର କର୍ମକର୍ତ୍ତା ମାନେ ମୋଟର ସାଇକେଲ ଶୋଭାଯାତ୍ରା କରିଛନ୍ତି।

ବିଜେପି ବିଧାୟକ ପ୍ରାର୍ଥୀ ପ୍ରଶାନ୍ତ ଜଗଦ୍ଦେବ ଶୋଭାଯାତ୍ରାରେ ଯାଇ ଭୋଟରଙ୍କ ନିକଟତର ହୋଇ ଭୋଟ ଭିକ୍ଷା କରିଛନ୍ତି।ବିଜେପି ବିଧାୟକ ପ୍ରାର୍ଥୀ ବାଜପୁର, ଧଉଳିମୁହଁ, ତାପଗଂ, ନରଣଖଡ, ଓରବରସିଂହ, ଗୋଳବାଇ, ଗୋଡପଡା, କଂପୁର ଓ ଜଂକିଆ ଗ୍ରାମପଞ୍ଚାୟତରେ ଶୋଭାଯାତ୍ରା ଯାଇଥିଲେ। ଶୋଭାଯାତ୍ରାରେ ଏକ ହଜାରରୁ ଉର୍ଦ୍ଧ୍ବ ମୋଟର ସାଇକେଲ ସାମିଲ ଥିଲା। ବିଜେପି ବିଧାୟକ ପ୍ରଶାନ୍ତ ଜଗଦ୍ଦେବ ଶୋଭାଯାତ୍ରା ଯାଉଥିବା ବେଳେ ସ୍ୱତଃପ୍ରଭୁତ ଭାବରେ ହଜାର ହଜାର ଲୋକ ବିଧାୟକ ପ୍ରାର୍ଥୀଙ୍କୁ ସମର୍ଥନ ଜଣାଇଥିଲେ। ବିଜେପି ବିଧାୟକ ପ୍ରାର୍ଥୀ ବିଧାୟକ ଭାବରେ ନିର୍ବାଚିତ ହେଲେ ପାନୀୟଜଳ, ପରିମଳ, ଶିକ୍ଷା, ସ୍ୱାସ୍ଥ୍ୟ, ରାସ୍ତା ଘାଟ, ଜଳସେଚନ ଓ ଜଗନ୍ନାଥ ଜମିରେ ଦିର୍ଘ ଦିନ ହେବ ଘର କରି ରହୁଥିବା ଲୋକ ମାନଙ୍କୁ ଜମି ପଟା ପ୍ରଦାନ କରିବାକୁ ପ୍ରତିଶ୍ରୁତି ଦେଇଛନ୍ତି। ଚଳିତ ନିର୍ବାଚନରେ ବିପୁଳ ଭୋଟରେ ବିଜୟୀ ହେବେ ବୋଲି ଆଶାବାଦୀ ଥିବା କହିଛନ୍ତି।