ସିସିଟିଭି ଫୁଟେଜ ଆଧାରରେ ଧରାପଡିଲା ମୋଟର ସାଇକେଲ ଲୁଟେରା।

ଖୋର୍ଦ୍ଧା : ବିଳମ୍ବିତ ରାତିରେ ମୋଟର ସାଇକେଲ ଲୁଟ।ଲୁଟର ଭିଡିଓ ସିସିଟିଭି ରେ କଏଦ। ସିସିଟିଭି ଫୁଟେଜ ଆଧାରରେ ଧରାପଡିଲା ମୋଟର ସାଇକେଲ ଲୁଟେରା।ଲୁଟେରା ଠାରୁ ଜବତ ହେଲା ଲୁଟ ହୋଇଥିବା ମୋଟର ସାଇକେଲ। ସୂଚନାରୁ ଜଣାପଡିଛି ଗତ ୭ତାରିଖ ବିଳମ୍ବିତ ରାତିରେ କନ୍ତଳବାଇ କପିଳେଶ୍ୱର ପାଟ୍ଟଶାଣୀଙ୍କ ଘର ଆଗରୁ ମୋଟର ସାଇକେଲ ଚୋରି ହୋଇଥିଲା। ଏନେଇ କପିଳେଶ୍ୱର ଭୂଷଣ୍ଡପୁର ଫାଣ୍ଡି ରେ ଲିଖିତ ଅଭିଯୋଗ ଅରିଥିଲେ।

ଅଭିଯୋଗ ଆଧାରରେ ପୋଲିସ ସିସିଟିଭି ଫୁଟେଜ ଭିଡିଓ ଦେଖି ତଦନ୍ତ ଆରମ୍ଭ କରିଥିଲା। ଲୁଟେରା ଜଣଙ୍କ ଲୁଟ କରି ଫେରାର ହୋଇଥିଲା। ପୋଲିସ ଲୁଟେରା କୁ ଧରିବା ପାଇଁ ବିଭିନ୍ନ ଯାଗାରେ ଚଢ଼ାଉ କରିଥିଲା।ଲୁଟେରା ଜଣଙ୍କ ଉଜ୍ୱଳା ଗୋପିନାଥପୁର ଗ୍ରାମର ଅନନ୍ତ ଦଳାଇକୁ ଗିରଫ କରି ତାଠାରୁ ଲୁଟ ହୋଇଥିବା ମୋଟର ସାଇକେଲ ଜବତ କରିଛି ପୋଲିସ। ଅଭିଯୁକ୍ତ ଲୁଟେରା ନାମରେ ଫାଣ୍ଡି ରେ ଏକ ମାମଲା ରୁଜୁ କରି କୋର୍ଟ ଚାଲାଣ କରିଛି ପୋଲିସ।