ମୋଟର ସାଇକେଲ ଚୋର ଗିରଫ ୩ଟା ମୋଟର ସାଇକେଲ ଜବତ।

ମୋଟିଭି ଓଡିଶା : ବାଲୁଗାଁ ଥାନା ପୋଲିସ ଜଣେ ଗାଡି ଚୋରକୁ ଗିରଫ କରି ତାଙ୍କ ନିକଟରୁ ୩ଟି ଚୋରି ମୋଟର ସାଇକେଲ ଜବତ କରିଛି l ସୂଚନାରୁ ଜଣାପଡିଛି ଗତ ୨ ତାରିଖରେ ନାଭାଲ ଫାଣ୍ଡି ଅନ୍ତର୍ଗତ ଡୁଙ୍ଗମାଳରୁ ଏକ ମୋଟର ସାଇକେଲ ଚୋରି ହୋଇଥିବା ନେଇ ଥାନାରେ ଅଭିଯୋଗ ହୋଇଥିଲା। ଅଭିଯୋଗକୁ ଭିତ୍ତି କରି ନାଭାଲ ଫାଣ୍ଡି ଅଧିକାରୀ ରବୀନ୍ଦ୍ରନାଥ ଗୌଡା ତଦନ୍ତ କରି ଗାଡି ଚୋରକୁ କାବୁ କରିବା ସହ ତାଙ୍କ ନିକଟରୁ ତିନୋଟି ମୋଟର ସାଇକେଲ ଜବତ କରାଯାଇଛି। ଅଭିଯୁକ୍ତ ଜଣଙ୍କ ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ତେନ୍ତୁଳିଆପଲ୍ଲୀ ଗ୍ରାମର ସପନ ସାହୁଙ୍କ ପୁଅ ଦିଲ୍ଲୀପ ସାହୁ (୨୫) ବୋଲି ଜଣାପଡ଼ିଛି।ଅଭିଯୁକ୍ତ ବିରୁଦ୍ଧରେ ଥାନାରେ ୧୬୦/୨୪ ରେ ଏକ ମାମଲା ରୁଜୁ କରି କୋର୍ଟ ଚାଲାଣ କରାଯାଇଥିବା ବାଲୁଗାଁ ଥାନା ଅଧିକାରୀ ଜୟ ପ୍ରକାଶ ପରିଡା କହିଛନ୍ତି।