ରାଷ୍ଟ୍ରୀୟ କୃଷକ ଦିବସ

ସୁଦୃଢ ଅର୍ଥନୀତିରେ ଦେଶର କୃଷକମାନେ ମୁଖ୍ୟ ଭୂମିକା ଗ୍ରହଣ କରିଥାନ୍ତି । ଅର୍ଥନୀତି, ସ୍ୱାସ୍ଥ୍ୟ, ପୃଷ୍ଟିକର କ୍ଷେତ୍ରରେ କୃଷକମାନେ ହିଁ ମେରୁଦଣ୍ଡ ସଦୃଶ । କୃଷି ଓ କୃଷକର ଉନ୍ନତିରେ ଦେଶର ପ୍ରଗତି ସମ୍ଭବ ।ଦେଶରେ କୃଷକ ମାନଙ୍କ ଅବଦାନକୁ ଉଜ୍ଜିବିତ କରି ରଖିବା ପାଇଁ ଦେଶର ପଞ୍ଚମ ପ୍ରଧାନମନ୍ତ୍ରୀ ଚୌଧୁରୀ ଚରଣ ସିଂ ନିଜ ଜନ୍ମ ଦିନକୁ ରାଷ୍ଟ୍ରୀୟ କୃଷକ ଦିବସ ଭାବେ ପାଳନ କରିବାକୁ ଘୋଷଣା କରିଥିଲେ । ସେବେଠାରୁ ପ୍ରତି ଡିସେମ୍ବର ୨୩ ତାରିଖକୁ ରାଷ୍ଟ୍ରୀୟ କୃଷକ ଦିବସ ରୂପେ ପାଳନ କରାଯାଉଛି । ଜୀବନ ଧାରଣର ମୁଖ୍ୟ ଅବଶ୍ୟକତା ହେଉଛି କୃଷି । ହେଲେ ସେଇ କୃଷକ ଆଜିବି ଅବହେଳିତ । କୃଷକଙ୍କୁ ସମ୍ମାନ ତ ଦୂରର କଥା , ଉଚିତ ମୂଲ୍ୟ ଦେବାକୁ ବି କିଛି ଲୋକ କୁଣ୍ଠାବୋଧ କରିଥାନ୍ତି । ବିକାଶର ମୂଳମନ୍ତ୍ର କୃଷି । ଆମ ଓଡ଼ିଶାର ଅର୍ଥନୀତିକୁ ସୁଦୃଢ କରିବାରେ ଚାଷୀଙ୍କ ଭୂମିକା ଅତୁଳନୀୟ ଅଟେ। ଜାତୀୟ କୃଷକ ଦିବସ ଅବସରରେ କ୍ଷୁଧାମୁକ୍ତ ସମାଜ ଗଠନ କରି ସାରା ବିଶ୍ୱକୁ ଖାଦ୍ୟ ଯୋଗାଉ ଥିବା ଓଡ଼ିଶାର ସମସ୍ତ କୃଷକ ପରିବାର ତଥା ଅନ୍ନଦାତା କୃଷି ଭାଇଭଉଣୀଙ୍କୁ ହାର୍ଦ୍ଦିକ ଶୁଭେଚ୍ଛା।

ମୋତେ ଟିଭି ଓଡିଶା, ଭୁବନେଶ୍ୱର