ଜାତୀୟ ହସ୍ତତନ୍ତ ଦିବସ ବୁଣାକାରଙ୍କ ସମ୍ମାନ ପାଇଁ ଦିନଟିଏ

ଓଡ଼ିଶାର ସଂସ୍କୃତି ଏବଂ ପରମ୍ପରାର ମୁଖ୍ୟ ଅଙ୍ଗ ହେଉଛି ହସ୍ତତନ୍ତ ଶିଳ୍ପ। ଆମ ରାଜ୍ୟର ବାନ୍ଧକଳା ବିଶ୍ବ ପ୍ରସିଦ୍ଧ। ବ୍ରହ୍ମପୁର ପାଟ ଶାଢ଼ି ଓ ଯୋଡ଼, ବୋମକେଇ ଶାଢ଼ି, ଧଳାପଥର ଶାଢ଼ି, କୋଟପାଡ଼ ଶାଢ଼ି ସମେତ ସମ୍ବଲପୁରୀ ପାଟ ବସ୍ତ୍ର ଆଜି କେବଳ ଦେଶ ମଧ୍ୟରେ ନୁହେଁ, ବିଦେଶରେ ମଧ୍ୟ ବେଶ୍‌ ଜନାଦୃତ। ପିଢ଼ି ପରେ ପିଢ଼ି ଓଡ଼ିଶାର ଅଧିକାଂଶ ଗ୍ରାମ ନିଜ ଅଞ୍ଚଳର ହସ୍ତଶିଳ୍ପ କଳାକୁ କୌଳିକ ବୃତ୍ତି ଭାବେ ଆପଣେଇ ଆସୁଛନ୍ତି। ଏହି ହସ୍ତତନ୍ତଗୁଡ଼ିକ ନିଜର ସ୍ୱତନ୍ତ୍ରତା, ମୌଳିକତା ତଥା ଗୁଣବତ୍ତା ବଜାୟ ରଖିବା କାରଣରୁ ରାଜ୍ୟର ହସ୍ତତନ୍ତର ଚାହିଦା କ୍ରମଶଃ ବଢ଼଼ିବାରେ ଲାଗିଛି। ଆମ ହସ୍ତତନ୍ତ ଏକ ପ୍ରମୁଖ ଗ୍ରାମୀଣ କୁଟୀର ଶିଳ୍ପ ଏବଂ ଏହା ଆମ ଐତିହ୍ୟ, କଳା, ସଂସ୍କୃତି ଓ ପରମ୍ପରାର ଏକ ଅବିଚ୍ଛେଦ୍ୟ ଅଙ୍ଗ l ଆମ ହସ୍ତତନ୍ତ ଉତ୍ପାଦ ଗୁଡିକ ଅନନ୍ୟ ଏବଂ ବିଶ୍ୱପ୍ରସିଦ୍ଧ ଏଥିପାଇଁ ଆମ ଉଚ୍ଚ କୁଶଳୀ ବୁଣାକାର ମାନଙ୍କ ପ୍ରୟାସକୁ ପ୍ରଶଂସା ଜଣାଇବା ସହ ‘ଭୋକାଲ୍ ଫର୍ ଲୋକାଲ୍‌’ ହେବା ପାଇଁ ଆମର ପ୍ରତିବଦ୍ଧତାକୁ ଦୋହରାଉଛି l

ସତ୍ୟାନନ୍ଦ ପାଣିଗ୍ରାହୀ