ରେଲୱେ

ପୂର୍ବତଟ ରେଳପଥ ପକ୍ଷରୁ ରାଷ୍ଟ୍ରୀୟ ଏକତା ଦିବସ ପାଳନ :

ପୂର୍ବତଟ ରେଳପଥ (ECoR) ଏହାର ମୁଖ୍ୟାଳୟ ଭୁବନେଶ୍ୱର ସ୍ଥିତ ରେଳ ସଦନ, ଚନ୍ଦ୍ରଶେଖରପୁର ଠାରେ ରାଷ୍ଟ୍ରିୟ ଏକତା ଦିବସ ପାଳନ କରିଅଛି |

ଭୁବନେଶ୍ୱର ( ମୋ ଟିଭି ଓଡିଶା ) :

ପୂର୍ବତଟ ରେଳପଥ (ECoR) ଏହାର ମୁଖ୍ୟାଳୟ ଭୁବନେଶ୍ୱର ସ୍ଥିତ ରେଳ ସଦନ, ଚନ୍ଦ୍ରଶେଖରପୁର ଠାରେ ରାଷ୍ଟ୍ରିୟ ଏକତା ଦିବସ ପାଳନ କରିଅଛି | ଏହି କାର୍ଯ୍ୟକ୍ରମରେ ରେଳପଥର ମହାପ୍ରବନ୍ଧକ ଶ୍ରୀ ପରମେଶ୍ୱର ଫୁଙ୍କୱାଲଙ୍କ ନେତୃତ୍ୱରେ ଦେଶର ସୁରକ୍ଷା ରକ୍ଷା କରିବାରେ ଏକତା ଏବଂ ଅଖଣ୍ଡତା ଉପରେ ଗୁରୁତ୍ୱାରୋପ କରାଯାଇ ଥିଲା | ରାଷ୍ଟ୍ରୀୟ ଏକତା ଦିବସକୁ ସ୍ମରଣୀୟ କରିବା ପାଇଁ ଆଜି ସକାଳେ ରେଳ ସୁରକ୍ଷା ବଳ (ଆରପିଏଫ୍) କର୍ମଚାରୀ, କ୍ରୀଡା ବ୍ୟକ୍ତିତ୍ୱ, ରେଳ ବିଭାଗର ବରିଷ୍ଠ ଅଧିକାରୀ ଏବଂ ପୂର୍ବ ତଟ ରେଳ ମହିଳା କଲ୍ୟାଣ ସଂଗଠନର ସଦସ୍ୟ ମାନଙ୍କୁ ନେଇ ଆୟୋଜିତ “ରନ୍ ଫର୍ ୟୁନିଟି” ରାଲିକୁ ସବୁଜ ପତାକା ଦେଖାଇ ମହାପ୍ରବନ୍ଧକ ଶ୍ରୀ ଫୁଙ୍କୱାଲ ଶୁଭାରମ୍ଭ କରିଥିଲେ |

ଶ୍ରୀ ଫଙ୍କୱାଲ ତାଙ୍କ ଅଭିଭାଷଣରେ ପୂର୍ବତଟ ରେଳପଥର ସମସ୍ତ ଅଧିକାରୀ ଏବଂ କର୍ମଚାରୀଙ୍କୁ ଏକତା ଏବଂ ଅଖଣ୍ଡତାର ଆଦର୍ଶରେ ନିଜକୁ ସମର୍ପିତ କରିବାକୁ ଅନୁରୋଧ କରିଥିଲେ, ଯାହା ସର୍ଦ୍ଦାର ବଲ୍ଲଭଭାଇ ପଟେଲଙ୍କ ଦର୍ଶନ ଏବଂ କାର୍ଯ୍ୟପନ୍ଥା ପ୍ରତି ସମ୍ମାନିତ କରିବା କ୍ଷେତ୍ରରେ ପ୍ରତିଫଳିତ ହୋଇଥିଲା |

ଏହି ଅବସରରେ ରେଳପଥର ଅତିରିକ୍ତ ମହାପ୍ରବନ୍ଧକ ଶ୍ରୀ ମହେଶ କୁମାର ବେହେରା ଏବଂ ସମସ୍ତ ବିଭାଗର ପ୍ରମୁଖ ବିଭାଗୀୟ ଅଧିକାରୀମାନେ ଯୋଗଦେଇ ଏକ ଜାତୀୟ ଏକତା ଓ ଅଖଣ୍ଡତା ପ୍ରତିପାଦନ ପାଇଁ ସାମୂହିକ ପ୍ରୟାସକୁ ଆଲୋକିତ କରିଥିଲେ | ଏହି କାର୍ଯ୍ୟକ୍ରମକୁ ରେଳପଥର ମୁଖ୍ୟ କାର୍ମୀକ ଅଧିକାରୀ (ସାଧାରଣ) ଶ୍ରୀ ସୂର୍ଯ୍ୟ ପ୍ରକାଶ ସଂଯୋଜନା କରିଥିଲେ |