ଆମାଜନରେ NCERT ବହି, ଓଡ଼ିଶା ସମେତ ୨୦ ହଜାର ସ୍ଥାନରେ ହେବ ଉପଲବ୍ଧ

ମୋ ଟିଭି ଓଡିଶା / ଭୁବନେଶ୍ୱର :

ଏଣିକି ଅନଲାଇନ ସିପିଂ ପ୍ଲାଟଫର୍ମ ‘ଆମାଜନ’ରେ ମିଳିବ ‘ଏନସିଇଆରଟି’ ପୁସ୍ତକ । ଓଡ଼ିଶା ସମେତ ଦେଶବ୍ୟାପୀ ପ୍ରାୟ ୨୦ ହଜାର ପିନକୋଡ୍ ଠିକଣାରେ ଏହା ଉପଲବ୍ଧ ହେବାକୁ ଯାଉଛି । ‘ଏମଆରପି’ ମୂଲ୍ୟରେ ପୁସ୍ତକଗୁଡିକ ଉପଲବ୍ଧ ହେବ । ଚଳିତବର୍ଷ ପୂର୍ବାପେକ୍ଷା ତିନିଗୁଣା ଅଧିକ ତଥା ୧୫ କୋଟି ପୁସ୍ତକ ପ୍ରକାଶନ କରିବ ‘ଏନସିଇଆରଟି’ । ଇ-କମର୍ସ ପ୍ଲାଟଫର୍ମରେ ମୂଳ ‘ଏନସିଇଆରଟି’ ପାଠ୍ୟପୁସ୍ତକ ଉପଲବ୍ଧ ସୁନିଶ୍ଚିତ କରିବ ।

କେନ୍ଦ୍ର ସରକାରଙ୍କ ଅଧୀନରେ ଥିବା ‘ଏନସିଇଆରଟି’ ଏବଂ ଅନ୍ୟତମ ସର୍ବବୃହତ ଇ-କମର୍ସ ପ୍ଲାଟଫର୍ମ ‘ଆମାଜନ ସେଲର୍ସ ପ୍ରାଇଭେଟ୍ ଲିମିଟେଡ୍’ ମଧ୍ୟରେ ଲେଟର୍ ଅଫ୍ ଏନଗେଜମେଣ୍ଟ (ଏଲଓଇ) ସ୍ୱାକ୍ଷରିତ ହୋଇଯାଇଛି । ଏହା ହେଉଛି ପ୍ରଥମ ଚୁକ୍ତି, ଯାହା ପ୍ରମୁଖ ଇ-କମର୍ସ ପ୍ଲାଟଫର୍ମରେ ମୁଦ୍ରିତ ମୂଲ୍ୟରେ ମୂଳ ‘ଏନସିଇଆରଟି’ ପାଠ୍ୟପୁସ୍ତକର ଉପଲବ୍ଧତା କରିବ । ଏହା ସର୍ବବ୍ୟାପୀ ଓ ସର୍ବସ୍ପର୍ଶୀ କରିବା ପାଇଁ ଜାତୀୟ ଶିକ୍ଷା ନୀତିର ଭିଜନକୁ ସୁଦୃଢ଼ କରିବ । ସମଗ୍ର ଦେଶରେ ଡିଜିଟାଲ କ୍ଷେତ୍ରରେ ବ୍ୟାପକ ଅଭିବୃଦ୍ଧି ଦେଖାଯାଇଥିବା ବେଳେ ଏହି ପଦକ୍ଷେପ ସରକାରଙ୍କ ‘ଇଜ୍ ଅଫ୍ ଲିଭିଂ’ ଲକ୍ଷ୍ୟକୁ ମଧ୍ୟ ସମର୍ଥନ କରିବ ।

କେନ୍ଦ୍ର ଶିକ୍ଷା ମନ୍ତ୍ରୀ ଧାମେନ୍ଦ୍ର ପ୍ରଧାନ କହିଛନ୍ତି, ‘‘ଏନସିଇଆରଟି’ ୧୯୬୩ ମସିହାରୁ ପ୍ରାୟ ୨୨୦ କୋଟି ପୁସ୍ତକ ଓ ଜର୍ଣ୍ଣାଲ ପ୍ରକାଶନ କରି ଭାରତର ଶିକ୍ଷା ଦୃଶ୍ୟପଟ୍ଟକୁ ଏକ ନୂଆ ଆକାର ଦେଇଛି । ‘ଏନସିଇଆର’ଟି ଦେଶ ପାଇଁ ଏକ ପ୍ରମୁଖ ଥିଙ୍କଟ୍ୟାଙ୍କ୍ । ଦେଶବ୍ୟାପୀ ପ୍ରାୟ ୨୦ହଜାର ପିନ୍ କୋଡ ଠିକଣାରେ ଏହି ପୁସ୍ତକ ଉପଲବ୍ଧ ହେବ । କେନ୍ଦ୍ର ମନ୍ତ୍ରୀ କହିଛନ୍ତି, ଏହା ଶିକ୍ଷାର ଉପଲବ୍ଧତା ବୃଦ୍ଧି କରିବା ଦିଗରେ ଏକ ସୁନ୍ଦର ପଦକ୍ଷେପ । ଏନସିଇଆରଟି ଚଳିତ ବର୍ଷ ତିନିଗୁଣା ଅଧିକ ପୁସ୍ତକ ପ୍ରକାଶନ ତଥା ୧୫ କୋଟି ପୁସ୍ତକ ପ୍ରକାଶ କରିବ । ସେହିପରି ଅମୃତକାଳର 3ଶହ ନିୟୁତ ଛାତ୍ରଛାତ୍ରୀଙ୍କ ପାଇଁ ଶିକ୍ଷଣକୁ ଆନନ୍ଦଦାୟକ କରିବା ଉପରେ ପରାମର୍ଶ ଦେଇଛନ୍ତି କେନ୍ଦ୍ର ଶିକ୍ଷା ମନ୍ତ୍ରୀ ।

ଦେଶରେ ସମସ୍ତ ୨୩ ଟି ଭାଷାରେ ପୁସ୍ତକର ଗୁରୁତ୍ୱରାପ୍ କରିଛନ୍ତି କେନ୍ଦ୍ର ମନ୍ତ୍ରୀ । କହିଛନ୍ତି ପୁସ୍ତକ ହିଁ ଭାରତର ପ୍ରକୃତ ସଫ୍ଟ ପାୱାର ହେବ । ସମସ୍ତ ଶ୍ରେଣୀର ‘ଏନସିଇଆରଟି’ ପାଠ୍ୟପୁସ୍ତକ ଆମାଜନ(http://amazon.in/ncert)ରେ ଉପଲବ୍ଧ ହେବ । ଆମାଜନର ଡେଲିଭରୀ ନେଟୱାର୍କ ଜରିଆରେ ଅତି ଦୁର୍ଗମ ଅଞ୍ଚଳରେ ମଧ୍ୟ ଛାତ୍ରଛାତ୍ରୀ ଓ ସ୍କୁଲ ନିର୍ଦ୍ଧାରିତ ମୂଲ୍ୟରେ ପାଠ୍ୟପୁସ୍ତକ କିଣିପାରିବେ ।