ମୋଟିଭି ଓଡିଶା : ୧୭।୫: ଭୋଟର ତାଲିକାରେ ତାଙ୍କ ନାମ ନ ଥିବାରୁ କଂଗ୍ରେସର ନିଆଳି ବିଧାୟକ ପ୍ରାର୍ଥୀ ଜ୍ୟୋତି ରଂଜନ ମଲ୍ଲିକଙ୍କ ନାମାଙ୍କନ ଖାରଜ କରାଯାଇଛି। ଦୁଇ ଦିନ ପୂର୍ବେ ସେ କଟକ ଜିଲାପାଳଙ୍କ ନିକଟରେ ତାଙ୍କ ନାମାଙ୍କନପତ୍ର ଦାଖଲ କରିଥିଲେ। ତେବେ ଯାଞ୍ଚ ପ୍ରକ୍ରିୟା ସମୟରେ ତାଙ୍କ ନାମାଙ୍କନ ପ୍ରତ୍ୟାଖ୍ୟାନ କରାଯାଇଥିଲା।

ନିର୍ବାଚନରେ ତାଙ୍କ ଅଂଶଗ୍ରହଣକୁ ରୋକିବା ପାଇଁ ସ୍ଥାନୀୟ ବିଜେଡି ନେତା ତଥା ବିଧାୟକ ତାଙ୍କ ବିରୋଧରେ ଷଡଯନ୍ତ୍ର କରିଥିବା ସେ ଅଭିଯୋଗ କରିଛନ୍ତି। ମଲ୍ଲିକ କହିଛନ୍ତି ଯେ ମୋତେ ଯାଞ୍ଚ ପାଇଁ ନିର୍ବାଚନ ଅଧିକାରୀମାନେ ଡାକିଥିଲେ ଏବଂ ଏହି ପ୍ରକ୍ରିୟା ସମୟରେ ମୋତେ ସୂଚନା ଦିଆଯାଇଥିଲା ଯେ ମୋର ନାମ ଭୋଟର ତାଲିକାରେ ନ ଥିବାରୁ ମୋର ନାମାଙ୍କନ ପ୍ରତ୍ୟାଖ୍ୟାନ କରାଯାଇଛି।

ମୁଁ ୨୦୨୨ ମସିହାରେ ସରପଞ୍ଚ ଭାବରେ ନିର୍ବାଚିତ ହୋଇଥିଲି। ଯଦି ମୋର ନାମ ଭୋଟର ତାଲିକାରେ ନାହିଁ, ତେବେ ମୁଁ କିପରି ସରପଞ୍ଚ ହୋଇଗଲି? ସେ ପ୍ରଶ୍ନ କରିଛନ୍ତି।