କଳାହାଣ୍ଡି:୧୬/୦୪ : ସୋମବାର ବିଳମ୍ବିତ ରାତିରେ ମାଟି କୁଡ଼ିଆ ଘରେ ଶୋଇଥିବା ସମୟରେ ଘର ଭୁଶୁଡି ପଡିବାରୁ ଚାପି ହୋଇ ଜଣେ ବ୍ୟକ୍ତି ଙ୍କ ମୃତ୍ୟୁ ହୋଇଛି। ମୃତକ ହେଲେ କୋକସରା ବ୍ଲକ ବରାଡ଼ଙ୍ଗା ପଞ୍ଚାୟତ ସାଗରପଡା ଗ୍ରାମ ର ଘାସିରାମ ହଂସ (୪୨) ବୋଲି ଜଣାପଡିଛି। ତାଙ୍କ ନିଜସ୍ୱ ଗାଁ ପୋଡ଼ାଗୁଡା ହୋଇଥିବା ବେଳେ ସେ ସିଉନି ସାଗରପଡା ଗ୍ରାମରେ ନିଜ ମାମୁଁ ଘରେ ଏକ ଦୋକାନ ଦେଇ ନିଜର ପରିବାର ଚଳାଉ ଥିଲେ।
ହେଲେ ଗତକାଲି ରାତିରେ ଖାଇପିଇ ଶୋଇଥିବା ସମୟରେ ଘର ଭୁଶୁଡି ଚାପି ହୋଇ ତାଙ୍କର ମୃତ ହୋଇଥିବା ସୂଚନା ମିଳିଛି। ମଙ୍ଗଳବାର ସକାଳୁ ପୋଲିସ ଖବର ପାଇ ଘଟଣା ସ୍ଥଳରେ ପହଞ୍ଚି ଶବ ଜବତ କରିବା ସହ କୋକସରା ଡାକ୍ତର ଖାନାକୁ ଶବ ବ୍ୟବଚ୍ଛେଦ ପାଇଁ ପଠାଇ ପରେ ଶବ କୁ ପରିବାର ବର୍ଗଙ୍କୁ ହସ୍ତାନ୍ତର କରି ଆମପାଣି ଥାନାରେ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଜାରି ରହିଥିବା ନେଇ ତଦନ୍ତକାରୀ ପୋଲିସ ଅଧିକାରୀ ସୂଚନା ଦେଇଛନ୍ତି।
ଅନ୍ୟ ପଟେ ଘରର ଏକ ମାତ୍ର ରୋଜଗାରିଆ ସ୍ବାମୀ ଙ୍କୁ ହରାଇ ସ୍ତ୍ରୀ ଓ ପରିବାର ଭାଙ୍ଗି ପଡିଛନ୍ତି। ସରକାରୀ ସ୍ତରରେ ସହାୟତା ଯୋଗାଇଦେବାକୁ ଗ୍ରାମବାସୀ ମାନେ ଦାବି କରିଛନ୍ତି।
More Stories
ନଳକୂପ ଅଚଳ : ଚୁଆପାଣି ପିଉଛନ୍ତି ପାଇବରସାହି ଗ୍ରାମବାସୀ
ବଢ଼ିଲା ଆଶିଷଙ୍କ ସମସ୍ୟା, କୁଟ୍ଟେଙ୍କୁ ଆଶ୍ବସ୍ତି…..
ଚିକିତ୍ସା ପାଇଁ ‘ଆଭା ଆଇଡି’ ବାଧ୍ୟତାମୂଳକ