ଧାନ ଫସଲ ନଷ୍ଟ କ୍ଷତିପୂରଣ ଦାବିରେ ରାଜସ୍ୱ ନିରିକ୍ଷକ କାର୍ଯ୍ୟାଳୟ ଆଗରେ ଧାରଣା ଓ ପ୍ରତିବାଦ।

ଚଳିତ ମାସରେ ଲଘୁଚାପ ପ୍ରଭାବରେ ଅଦିନିଆ ବର୍ଷା ହୋଇଥିବାରୁ ଖୋର୍ଦ୍ଧା ଜିଲ୍ଲାର ଟାଗିଂ ବ୍ଲକରେ ବିଭିନ୍ନ ଅଞ୍ଚଳରେ ପ୍ରବଳ ବର୍ଷା ହେବାରୁ ଧାନ ବିଲରେ ପାଚିଲା ଧାନ ଫସଲ ଓଦା ହୋଇ ଗଜାରେ ନଷ୍ଟ ହୋଇଛି।ଟାଗିଂ ବ୍ଲକ ରାମେଶ୍ୱର,ନିରାକାରପୁର, ଡିଆ ଓ ଲେଣ୍ଡୋ ଗ୍ରାମପଞ୍ଚାୟତର ଚାଷୀମାନେ କ୍ଷତିଗ୍ରସ୍ତ ହୋଇଛନ୍ତି।ଧାନ ଫସଲର କ୍ଷୟକ୍ଷତି ଆକଳନ ପାଇଁ କୃଷି ବିଭାଗ ଅଧିକାରୀ ଓ ରାଜସ୍ୱ ବିଭାଗ ଅଧିକାରୀ କେହି ଚାଷୀଙ୍କ ନିକଟରେ ପହଞ୍ଚି ନଥିବାରୁ ଚାଷୀ ମନରେ ଅସନ୍ତୋଷ ଦେଖାଦେଇଛି ପ୍ରତିବାଦରେ ଆଜି ସିପିଆଇଏମ ନେତା ଗିରିଶଚନ୍ଦ୍ର ମହାରଣାଙ୍କ ନେତୃତ୍ୱରେ ଚାଷୀମାନେ ନିରାକାରପୁର ରାଜସ୍ୱ ନିରିକ୍ଷକଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚି ବିକ୍ଷୋଭ ଓ ପ୍ରତିବାଦ କରିଛନ୍ତି।ଯଥାଶୀଘ୍ର ସରକାର ଚାଷୀର ଧାନଫସଲ କ୍ଷୟକ୍ଷତି ଆକଳନ କରି କ୍ଷତିପୂରଣ ଯୋଗାଇଦେବାକୁ ଦାବି କରିଛନ୍ତି ସିପିଆଇଏମ ନେତା।

ଖୋର୍ଦ୍ଧା ଜିଲ୍ଲାରେ ବିଶେଷ ଭାବରେ ଧାନ ଫସଲ ନଷ୍ଟ ହୋଇଛି।ସରକାର ସମସ୍ତ ଚାଷୀଙ୍କୁ ଧାନଫସଲ କ୍ଷୟକ୍ଷତିର ଆକଳନ କରି କ୍ଷତିପୂରଣ ଯୋଗାଇଦେବାକୁ ଘୋଷଣା କରିଛନ୍ତି ଏବଂ କେନ୍ଦ୍ର ଓ ରାଜ୍ୟ ସରକାର ଫସଲ ନଷ୍ଟ ହୋଇଥିବା ନେଇ ୧୪୪୪୭ରେ ଅଭିଯୋଗ କରିବାକୁ ଘୋଷଣା କରିଛନ୍ତି।ଖୋର୍ଦ୍ଧା ଜିଲ୍ଲା ପ୍ରଶାସନ ପକ୍ଷରୁ ଟାଗିଂ ବ୍ଲକର ସମସ୍ତ ସେବା ସମବାୟ ସମିତିର,ରାଜସ୍ୱ ବିଭାଗ ଅଧିକାରୀ, କୃଷି ବିଭାଗ ଅଧିକାରୀ ମାନଙ୍କୁ ନିର୍ଦ୍ଦେଶ ହୋଇଛି ସେମାନଙ୍କ ନିକଟରେ ଚାଷୀମାନେ ଅଭିଯୋଗ କରିପାରିବେ।ଧାନଫସଲ ନଷ୍ଟ ହୋଇଥିବା ସମସ୍ତ ଚାଷୀଙ୍କୁ କ୍ଷୟକ୍ଷତି ର ସହାୟତା ମିଳିପାରିବ ବୋଲି ସୂଚନା ଦେଇଛନ୍ତି ଖୋର୍ଦ୍ଧା ଜିଲ୍ଲାପାଳ।

ମୋ ଟିଭି ଓଡିଶା, ଖୋର୍ଦ୍ଧା