ଆଜି ଝଡ଼ବର୍ଷାକୁ ନେଇ ୭ ଜିଲ୍ଳାକୁ ଅରେଞ୍ଜ ୱାର୍ଣିଂ ଜାରି

ଭୁବନେଶ୍ବର : ଆସନ୍ତା ଦୁଇରୁ ତିନି ଦିନ ଯାଏଁ ରାଜ୍ୟରେ ଝଡ ବର୍ଷା ହେବାର ସମ୍ଭାବନା ରହିଛି। ଆସନ୍ତା ୪ ଦିନ ଯାଏଁ ଏଭଳି ପାଗ ଲାଗି ରହିବ l ରାଜ୍ୟର ବିଭିନ୍ନ ସ୍ଥାନରେ ହାଲୁକାରୁ ମଧ୍ୟମ ଧରଣର ବର୍ଷା ହୋଇପାରେ ବୋଲି ପୂର୍ବାନୁମାନ କରିଛି ପାଣିପାଗ ବିଭାଗ। ଆଜି ଝଡବର୍ଷା ନେଇ ୭ ଜିଲ୍ଲା ଅନୁଗୁଳ, କେଉଁଝର, ରାୟଗଡା, କନ୍ଧମାଳ, ମୟୁରଭଞ୍ଜ, ଗଞ୍ଜାମ , ଗଜପତି ଜିଲ୍ଲାକୁ ଅରେଞ୍ଜ ଓ୍ବାର୍ଣ୍ଣିଂ ଜାରି ହୋଇଛି। ସେହିପରି ୧୫ ଜିଲ୍ଲାକୁ ପାଣିପାଗ ବିଭାଗ ଜାରି କରିଛି ୟେଲୋ ଓ୍ବାର୍ଣ୍ଣିଂ। ୯ ତାରିଖରେ ମଧ୍ୟ କାଳବୈଶାଖୀର ପ୍ରଭାବ ରହିବ। ୧୦ ତାରିଖ ପରେ ପାଗରେ ପରିବର୍ତ୍ତନ ଆସିବାର ସମ୍ଭାବନା ରହିଛି। କାଳବୈଶାଖୀ ପ୍ରଭାବରେ ଆଭ୍ୟନ୍ତରୀଣ ଓଡିଶା ଏବଂ ଅନ୍ୟତ୍ର ସ୍ଥାନରେ ୮ରୁ ୯ଡିଗ୍ରୀ ଯାଏଁ ତାପମାତ୍ରା କମିଛି। ମଙ୍ଗଳବାର ରାଜ୍ୟର ୨୦ ସହରର ପାରଦ ୩୫ ଡିଗ୍ରୀ ତଳେ ରହିଥିଲା।