ବର୍ଷକୁ ୧୨ଥର ଅନୁଷ୍ଠିତ ହେବ ପଥୋତ୍ସବ ।

ପ୍ରତ୍ୟେକ ମାସରେ ଗୋଟିଏ ପଥୋତ୍ସବ ହେବ । ସୂଚନା ଦେଇଛନ୍ତି ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର । ସକାଳୁ ସକାଳୁ ନାଚଗୀତରେ କମ୍ପି ଉଠିଲା ରାଜଧାନୀ ଭୁବନେଶ୍ୱର । ପଥ ଉତ୍ସବରେ ସାମିଲ ହେଲେ ହଜାର ହଜାର ପଥଚାରୀ । ଜାଗମରା ନିୟୁ ରୋଡ଼ ହେଲା ଲୋକାର୍ଣ୍ଣୟ । ଛୋଟ ପିଲାଙ୍କଠାରୁ ନେଇ ବୟସ୍କ ପର୍ଯ୍ୟନ୍ତ ସମସ୍ତେ ବିଭିନ୍ନ ଗୀତର ତାଳରେ ନାଚିଲେ । ରାସ୍ତା ଉଭୟ ପାର୍ଶ୍ୱରେ ବିଭିନ୍ନ ରଙ୍ଗାରଙ୍ଗ କାର୍ୟ୍ୟକ୍ରମ ସାଙ୍ଗକୁ ମୁରୁଜରେ ସଜେଇ ହୋଇଥିଲା ପୁରା ରାସ୍ତା । ମେୟର ସୁଲୋଚନା ଦାସ ପଥ ଉତ୍ସବର ଶୁଭରାମ୍ଭ କରିଥିଲେ । ଭୁବନେଶ୍ୱର ବାସୀଙ୍କ ଭଲ ପାଇବା ସହ ପ୍ରବାସୀ ଭାରତୀୟଙ୍କ ଉତ୍ସାହ ଆମକୁ ଅଧିକ ଏନର୍ଜି ବଢାଇ ଦେଇଛି । ଯାହାକି ସକାଳର ଶୀତକୁ ଖାତିର ନକରି ସମସ୍ତେ ପଥ ଉତ୍ସବରେ ସାମିଲ ହୋଇଥିବା ଦେଖିବାକୁ ମିଳିଛି ।

ମୋ ଟିଭି ଓଡିଶା, ଭୁବନେଶ୍ୱର