ରାସ୍ତା କଡ଼ରେ ବସିଥିବା ଲୋକଙ୍କୁ ପିଟିଲା କାର,ଜଣେ ମୃତ, ୫ଗୁରୁତର।

ମୋଟିଭି ଓଡିଶା : କଳାହାଣ୍ଡି:୧୭/୦୫ : କଳାହାଣ୍ଡି ଜିଲ୍ଲା – ଜୁନାଗଡ଼ ଥାନା ଅନ୍ତର୍ଗତ ମହିଚଲା ଦେଇ ଯାଇଥିବା ଜାତୀୟ ରାଜପଥ ୨୬ ଉପରେ ଗତକାଲି ସନ୍ଧ୍ୟାରେ ସଡ଼କ ଦୁର୍ଘଟଣା ଘଟିଛି। ରାସ୍ତା ପାର୍ଶ୍ବରେ ବସିଥିବା ଲୋକ ମାନଙ୍କ ଉପରେ କାର ଚାପି ଦେବାରୁ ଘଟଣାସ୍ଥଳରେ ଜଣେ ମୃତ ଓ ୫ ଜଣ ଗୁରୁତର ହୋଇଥିଲେ। ସୂଚନା ଅନୁଯାୟୀ ଜୁନାଗଡ଼ ପଟରୁ ଗୋଟିଏ ନୂତନ କିଆ କାର ଗାଡି NO – OD 01 AX2225 ମୋଟେର ଆଡ଼କୁ ଦୃତ ଗତିରେ ଯାଉଥିବା ବେଳେ , ରାସ୍ତା ପାର୍ଶ୍ବରେ ବସିଥିବା ୬ ଜଣ ବ୍ୟକ୍ତିଙ୍କ ଉପରକୁ ଚଢି ଯାଇଥିଲା l

ଫଳରେ ଜଣଙ୍କର ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ୫ ଜଣଙ୍କୁ ଆମ୍ବୁଲାନ୍ସ ଯୋଗେ ଜୁନାଗଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା। ମୃତ ବ୍ୟକ୍ତି କୋକସରା ଥାନା ଅନ୍ତର୍ଗତ ଜଳତାମୁଣ୍ଡା ଗ୍ରାମର ଲୟ ମୁଣ୍ଡା ବୟସ ୩୫ ବୋଲି ଜଣାପଡ଼ିଛି। ସେ ନିଜ ଶ୍ଵଶୁର ଘର ମହିଚଲା ଗ୍ରାମକୁ ଆସିଥିଲେ । ଦୁର୍ଘଟଣା ଘଟାଇଥିବା ମୁଖିଗୁଡ଼ା ଗ୍ରାମର ପ୍ରଦ୍ୟୁମ୍ନ ମହାନ୍ତି , ତାଙ୍କ ବାପା ଓ ଅନ୍ୟଜଣ ବ୍ୟକ୍ତିଙ୍କୁ ଜୁନାଗଡ଼ ପୋଲିସ ଥାନାକୁ ନେଇ ତଦନ୍ତ ଚଳାଇଛି । ଉତ୍ତେଜିତ ଗ୍ରାମବାସୀ ରାସ୍ତା ଉପରେ ଶବ ରଖି କ୍ଷତିପୂରଣ ପାଇଁ ଧାରଣାରେ ବସିଛନ୍ତି l ଫଳରେ ଜୁନାଗଡ଼ରୁ ଜୟପାଟଣା ଜୟପୁର ମଧ୍ୟରେ ଯାତାୟାତ ଠପ୍ ରହିଛି। ଘଟଣାସ୍ଥଳରେ ପ୍ରଶାସନିକ ଅଧିକାରୀ ମାନେ ପହଞ୍ଚି ଆଲୋଚନା ଜାରି ରଖିଛନ୍ତି। ତେବେ ରାସ୍ତା ଅବରୋଧ ଜାରି ରହିଥିବା ସୂଚନା ମିଳିଛି।