ସମ୍ଭାବ୍ୟ ବାତ୍ୟା ନଆସୁଣୁ ବଜାରରୁ ଆଳୁ ଉଭାନ

ସୋର : ୨୩/୧୦

ସମ୍ଭାବ୍ୟ ବାତ୍ୟା ନଆସୁଣୁ ବଜାରରୁ ଆଳୁ ଉଭାନ ହୋଇଗଲାଣି। ଆଉ ଯେଉଁଠି ବି ମିଳୁଛି ତାର ଦର ଗତ କାଲିଠାରୁ ଆଜି ଭିତରେ ପ୍ରାୟ ୪୫ ପ୍ରତିଶତ ବଢିଯାଇଛି। ଏଭଳି ସ୍ଥିତିରେ ସୋର ସହରରେ ଆଳୁର ସଂକଟକୁ ଲୋକେ ହୃଦୟଙ୍ଗମ କରୁଛନ୍ତି। ସବୁ ପରିବା ଠାରୁ ଲୋକେ ସବୁଠୁ ଅଧିକ ଗୁରୁତ୍ୱ ଦେଉଥିବା ପରିବା ହେଉଛି ଆଳୁ। ଅନ୍ୟ ସମସ୍ତ ପରିବାର ଦାମ ୬୦ ଟଙ୍କା ଉପରକୁ ଥିବା ହେଲେ ଆଳୁର ଦାମ ଦୁଇଦିନ ତଳେ ୩୫ ଟଙ୍କା ଥିଲା। ଗତକାଲି ରାତିରେ ୪୦ ଟଙ୍କାରେ ବିକ୍ରି ହେଉଥିବା ବେଳେ ଆଜି ସକାଳୁ ବଡ ଆଳୁ ୫୦ ଟଙ୍କା ଓ ଛୋଟ ଆଳୁ ୩୫ ଟଙ୍କାରେ ବିକ୍ରି ହେଉଛି। କେବଳ ଆଳୁ ନୁହେଁ ସମସ୍ତ ପରିବାର ଦାମ ବଢିଛି। ତେବେ ବାତ୍ୟା ପୂର୍ବରୁ ଆଳୁ ଗୋଦାମ ମାଲିକ ମାନେ ଆଳୁକୁ ବଜାରକୁ ନଛାଡିବାରୁ ଦର ବୃଦ୍ଧି ହେଉଥିବା ବେଳେ ଅସାଧୁ ବ୍ୟବସାୟୀ ମାନେ ଲୋକମାନଙ୍କୁ ଠକୁ ଥିବା ଅଭିଯୋଗ ହେଉଛି ଏନେଇ ଯୋଗାଣ ଅଧିକାରୀ ନିରଞ୍ଜନ ବେହେରାଙ୍କ ସହ ଯୋଗାଯୋଗ କରାଯିବାରୁ କହିଥିଲେ।ଅସାଧୁ କଳା ବ୍ୟବସାୟୀଙ୍କ ଉପରେ କାର୍ଯ୍ୟାନୁଷ୍ଠାନ ନିଆଯିବ। ଯଦି ଆଳୁ ଗଛିତ ରଖି ମାର୍କେଟ କୁ ନଛାଡି ଗୋଦାମରେ ଗଛିତ ରଖିଲେ ଗୋଦାମ ସିଲ ହେବା ସହିତ ସେମାନଙ୍କ ଉପରେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଥିଲେ କହିଛନ୍ତି l