ଜାମ୍ମୁ – କାଶ୍ମୀରରୁ ଉଠିଲା ରାଷ୍ଟ୍ରପତି ଶାସନ

ମୋ ଟିଭି ଓଡିଶା / ନୂଆଦିଲ୍ଲୀ :

ଜାମ୍ମୁ କାଶ୍ମୀରରୁ ରାଷ୍ଟ୍ରପତି ଶାସନକୁ ଉଠାଇ ଦେଇଛନ୍ତି କେନ୍ଦ୍ର ସରକାର। ଏନେଇ ରବିବାର ଗୃହ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। କେନ୍ଦ୍ର ସରକାରଙ୍କ ଏହି ପଦକ୍ଷେପ ପରେ ଏଠାରେ ନୂତନ ସରକାର ଗଠନ କରିବା ପାଇଁ ରାସ୍ତା ସଫା ହୋଇଛି।

ନ୍ଯାସନାଲ କନଫରେନ୍ସ ନେତା ଓମାର ଅବଦୁଲ୍ଲା ଶୁକ୍ରବାର ଲେଫ୍ଟନାଣ୍ଟ ଗଭର୍ଣ୍ଣର ମନୋଜ ସିହ୍ନାଙ୍କ ସହ ସାକ୍ଷାତ କରି ଜାମ୍ମୁ ଏବଂ କାଶ୍ମୀରରେ ଶେଷ ହୋଇଥିବା ବିଧାନସଭା ନିର୍ବାଚନ ପରେ ଏକ ନୂତନ ସରକାର ଗଠନ କରିବାକୁ ଦାବି କରିଛନ୍ତି।

ଜାମମୀ କାଶ୍ମୀର ବିଧାନସଭା ନିର୍ବାଚନରେ ନ୍ଯାସନାଲ କନଫରେନ୍ସ (ଏନସି) ୪୨ ଟି ସିଟ୍ ଜିତିଥିବାବେଳେ କାଶ୍ମୀରରେ କଂଗ୍ରେସ ମାତ୍ର ୬ ଟି ଏବଂ ଜାମ୍ମୁ ରେ ଗୋଟିଏ ଆସନ ହାସଲ କରିଛି। ଦୁଇ ଦଳ ନିର୍ବାଚନ ପୁର୍ବରୁ ମେଣ୍ଟ ଗଠନ କରିଥିଲେ। ଚାରିଜଣ ସ୍ୱାଧୀନ ବିଧାୟକ ଏବଂ ଆମ୍ ଆଦମୀ ପାର୍ଟି (ଏଏପି) ଙ୍କ ସମର୍ଥନ ଦ୍ୱାରା ସେମାନଙ୍କର ସ୍ଥିତି ମଜବୁତ ହୋଇଛି । ଭାରତୀୟ ଜନତା ପାର୍ଟି ୨୯ ଟି ସିଟ୍ ବିଶିଷ୍ଟ ଦ୍ୱିତୀୟ ବୃହତ୍ତମ ଦଳ ଭାବରେ ଉଭା ହୋଇଛି।

୧୦ ବର୍ଷ ବ୍ୟବଧାନ ପରେ ଚଳିତ ବର୍ଷ ଜାମ୍ମୁ କାଶ୍ମୀର ରେ ବିଧାନସଭା ନିର୍ବାଚନ କରାଯାଇଥିଲା। ଜୁନ୍ ୧୯,୨୦୧୮ରେ ପିଡିପି-ଭାଜପା ମେଣ୍ଟ ଭାଙ୍ଗିଯିବା ପରେ ଏହି ଅଞ୍ଚଳରେ ରାଷ୍ଟ୍ରପତି ଶାସନ ଲାଗୁ କରାଯାଇଥିଲା। ପରେ ୨୦୧୯ ରେ, କେନ୍ଦ୍ର ସରକାର ସମ୍ବିଧାନର ଧାରା ୩୭୦ ରଦ୍ଦ କରି ରାଜ୍ୟକୁ କେନ୍ଦ୍ର ଶାସିତ ଅଞ୍ଚଳ କରିଥିଲେ।

ସେପ୍ଟେମ୍ବର ୧୮, ସେପ୍ଟେମ୍ବର ୨୫ ଏବଂ ଅକ୍ଟୋବର ୧ ରେ ତିନୋଟି ପର୍ଯ୍ୟାୟରେ ଅନୁଷ୍ଠିତ ଏହି ନିର୍ବାଚନ ଧାରା ୩୭୦ ରଦ୍ଦ ହେବା ପରେ ପ୍ରଥମ ଥିଲା, ଯାହା ଏହାକୁ ଏକ ଐତିହାସିକ ଘଟଣା କରିଥିଲା।