ଗଞ୍ଜେଇ ଘଟଣାରେ ଏସ ପି କଲେ ସାମ୍ୱାଦିକ ସମ୍ମିଳନୀ

ଗତ କାଲି ଟାଉନ ପୋଲିସ ଦ୍ୱାରା ଜବତ ହୋଇଥିବା ବିପୁଳ ପରିମାଣର ଗଞ୍ଜେଇ ଘଟଣାରେ ଏସ ପି କଲେ ସାମ୍ୱାଦିକ ସମ୍ମିଳନୀ, ଦେଲେ ବିଷଦ ସୂଚନା….

ସୁନ୍ଦରଗଡ଼ ( ଦେବେନ୍ଦ୍ର କୁମାର ଭିତ୍ରିଆ ) ୨୬/୧୧/୨୪

ଆଜି ନଭେମ୍ବର 26 ତାରିଖ ଦିନ 1:30 ମିନିଟ୍ ସମୟରେ ଜିଲ୍ଲା ପୋଲିସ କାର୍ଯ୍ୟାଳୟର ସମ୍ମିଳନୀ ଗୃହରେ ଏସ ପି ପ୍ରତ୍ୟୁଷ ଦିବାକର କଲେ ସାମ୍ୱାଦିକ ସମ୍ମିଳନୀ। ଗତ କାଲି ଟାଉନ ପୋଲିସ ଦ୍ୱାରା ଜବତ ହୋଇଥିବା ବିପୁଳ ପରିମାଣର ଗଞ୍ଜେଇ ଉପରେ ବିଷଦ ସୂଚନା ଦେଲେ ।

ଗତକାଲି ଅପରାହ୍ନ ପ୍ରାୟ 3:30 ପାଖାପାଖି ଟାଉନ ପୋଲିସ ଏହି ସୂଚନା ପାଇଥିଲା। ସୂଚନା ପାଇବା ମାତ୍ରେ ଟାଉନ ଥାନା ଅଧିକାରୀ ଏସ ପି ଓ ଏସଡିପିଓଙ୍କୁ ସୂଚିତ କରିଥଲେ। ଏହି ଗଞ୍ଜେଇ ବୋଝେଇ ଟ୍ରକକୁ ଟ୍ରାକ କରିବା ନେଇ ଏକ ସ୍ଵତନ୍ତ୍ର ଟିମ୍ ଗଠନ କରଯାଇଥିଲା। ତେବେ ସୂଚନା ମୁତାବକ ଟାଉନ ପୋଲିସ ହାତରେ ସମ୍ପୃକ୍ତ ଟ୍ରକ OD -19F-7626 ପତ୍ରାପାଲି ଓ ଲୁହୁରାଢିପା ମଝି ଓଭର ବ୍ରିଜ ନିକଟରେ ଧରା ପଡ଼ିଥିଲା।

ତେବେ ଏହି ଟ୍ରକର ଚାଳକ ଅନୁଗୋଳ ନାଲକୋରୁ ଆଲୁମିନିୟମ ସିଟ୍ ସହ 543.150 kg ଓଜନର ଗଞ୍ଜେଇ ନେଇ ରାଜସ୍ଥାକୁ ଯାଉଥିଲା। ସେହି ଗଞ୍ଜେଇ ଚୋରାରେ ଚାଲାଣ ହେଉଥିବା ନେଇ ସୁନ୍ଦରଗଡ଼ ଟାଉନ ପୋଲିସକୁ ସୂଚନା ମିଳିଥିଲା। ନିଜର ଉପାର୍ଜନକୁ ବଢେଇବା ନେଇ ଟ୍ରକ ଚାଳକ ନିରଞ୍ଜନ ପ୍ରଧାନ ଏହି ପନ୍ଥା ଗ୍ରହଣ କରିଥିଲା ବୋଲି ପୋଲିସ ନିକଟରେ ବୟାନ ଦେଇଛି। ଗତକାଲି ଟାଉନ ଥାନାରେ ଜଣେ ମାଜିଷ୍ଟ୍ରେଟଙ୍କ ଉପସ୍ଥିତିରେ ଏହି ଗଞ୍ଜେଇ ଜବତ କରାଯାଇ ଓଜନ କରାଯାଇଥିଲା । 

ଏହି ଗଞ୍ଜେଇ ସମ୍ପୃକ୍ତ ଟ୍ରକ ଚାଳକ ଉତ୍ତର ପ୍ରଦେଶର ମଥୁରାକୁ ନେଉ ଥିଲା ବୋଲି ଏସ୍ପି ପ୍ରତ୍ୟୁଷ ଦିବାକର ସୂଚନା ଦେଇଛନ୍ତି। ଏହା ସହ ଟାଉନ ଥାନା କେଶ ନମ୍ବର 387ରେ ଏହି ମାମଲା ରୁଜ୍ଜୁ ହୋଇଥିବା ବେଳେ ଅଭିଯୁକ୍ତ ନିରଞ୍ଜନ ପ୍ରଧାନକୁ ଦଫା 20(b)(ii)(c) NDPS Act ରେ କୋର୍ଟ ଚାଲାଣ କରାଯିବ ବୋଲି ଏସପି କହିଛନ୍ତି ।