ଅଗ୍ନିକାଣ୍ଡ ରେ ପୋଡି ଯାଇଥିବା ବ୍ୟବସାୟୀଙ୍କୁ ଆର୍ଥିକ ସହାୟତା ପ୍ରଦାନ

ଖୋର୍ଦ୍ଧା ଜିଲ୍ଲା ର ନିରାକାରପୁର ହେଉଛି ଅନ୍ୟତମ ପ୍ରାଚୀନ ବ୍ୟବସାୟ ପେଣ୍ଠ। ଗତ ମାସ ୧୬ ତାରିଖ ଦିନ କୌଣସି କାରଣରୁ ଅଗ୍ନି ସଂଯୋଗ ହୋଇ ଚାରି ଜଣ ବ୍ୟବସାୟୀଙ୍କ ଲକ୍ଷ ଲକ୍ଷ ଟଙ୍କାର ସାମଗ୍ରୀ ପୋଡ଼ି ପାଉଁଶ ହୋଇଯାଇଥିଲା। ଯାହା ଫଳରେ ସେମାନେ ରୋଜଗାର ହରାଇ ବେସାହାରା ହୋଇଥିବା ଦେଖିଥିବା ଦେଖିବାକୁ ମିଳିଥିଲା।

ଏହି ଦୁଃଖଦ ସମୟରେ ଖବର ପାଇ ସେହି ମାସ ୧୮ ତାରିଖ ଦିନ ଖୋର୍ଦ୍ଧା ବିଧାୟକ ପ୍ରଶାନ୍ତ ଜଗଦେବ ଘଟଣାସ୍ଥଳରେ ପହଞ୍ଚି କ୍ଷତିଗ୍ରସ୍ତ ବ୍ୟବସାୟୀଙ୍କୁ ସମବେଦନା ଜଣାଇବା ସଙ୍ଗେ ସଙ୍ଗେ ତୁରନ୍ତ ସହୟତା ପାଇଁ ରାଜସ୍ବ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ। ଆଜି ନିରାକାରପୁର ବଣିକ ସଂଘ ପକ୍ଷରୁ ସଭାପତି ସଂପାଦକ ଙ୍କ ସମେତ ଅନ୍ୟ କର୍ମକର୍ତ୍ତାଗଣ ଉକ୍ତ କ୍ଷତିଗ୍ରସ୍ତ ବ୍ୟବସାୟୀଙ୍କ ସମେତ ଜଣେ ଅସହାୟ ପରିବାରକୁ ମଧ୍ଯ ସାନ୍ତ୍ବନା ମୂଳକ ସହାୟତା ରାଶି ପ୍ରଦାନ କରିଥିବା ବଣିକ ସଂଘ ସଂପାଦକ ବିପିନ ରାଉତରାୟ ଙ୍କ ଠାରୁ ସୂଚନା ମିଳିଛି।

ମୋ ଟିଭି ଓଡିଶା, ଭୁବନେଶ୍ୱର