ପ୍ରଧାନ ଶିକ୍ଷକଙ୍କୁ ଅଵସର କାଳୀନ ବିଦାୟ ସମ୍ବର୍ଦ୍ଧନା।

ମୋ ଟିଭି ଓଡିଶା / କଳାହାଣ୍ଡି:୩୦/୦୬(ସନତ ପ୍ରଧାନୀ)

କଳାହାଣ୍ଡି ଜିଲ୍ଲା କୋକସରା ବ୍ଲକ ଗୋଷ୍ଠି ଶିକ୍ଷା ବିଭାଗ ଅନ୍ତର୍ଗତ ବଡ଼ ପୋଡ଼ାଗୁଡା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ଜୟସିଂ ପୁଝାରିଙ୍କୁ ଶନିବାର ଅବସର ଗ୍ରହଣ ପରେ କାଉଡୋଳା କ୍ଲଷ୍ଟର ପକ୍ଷରୁ ବିଦାୟ ସମ୍ବର୍ଦ୍ଧନା ଦିଆଯାଇଛି। ପୋଡ଼ାଗୁଡା ୟୁପି ସ୍କୁଲରେ ଆୟୋଜିତ କାର୍ଯ୍ୟକ୍ରମରେ କାଉଡୋଳା ୟୁପି ସ୍କୁଲ ର ପ୍ରଧାନ ଶିକ୍ଷକ ଜୟ ଶଙ୍କର ପାଠୀଙ୍କ ସଭାପତିତ୍ୱରେ ମୁଖ୍ୟ ଅତିଥି ଭାବେ ଆମପାଣି ବୁଢ଼ାରଜା ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଭାଗ୍ୟବାନ ବାଗ, ମୁଖ୍ୟ ବକ୍ତା ଭାବେ ସିଆରସି ସୁମନ୍ତ କୁମାର ଠାକୁର, ସମ୍ମାନିତ ଅତିଥି ଭାବେ ଆମପାଣି ସିଆରସି କେଦାର ନାଏକ, ଭିକାରୀ ଚରଣ ତାଣ୍ଡି, ପ୍ରଶାନ୍ତ ପଣ୍ଡା ଉପସ୍ଥିତ ରହି ବିଦାୟ ଶିକ୍ଷକଙ୍କୁ ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ।

ଉପସ୍ଥିତ ଅତିଥିମାନେ ନିଜ ବକ୍ତବ୍ୟରେ ଆଦର୍ଶ ଶିକ୍ଷକ ଭାବେ ଶ୍ରୀ ପୁଝାରି ଶିକ୍ଷାଦାନ ନିଜର କର୍ତ୍ତବ୍ୟ ନିଷ୍ଠାପର ଭାବେ ତୁଲାଇ ଆଜି ଶିକ୍ଷକତା ଜୀବନରୁ ଅବସର ନେଇଛନ୍ତି ବୋଳି ମତ ପ୍ରକାଶ କରିଥିଲେ। କାର୍ଯ୍ୟକ୍ରମକୁ ଶିକ୍ଷକ ନିଳାମ୍ବର ଦାସ ପରିଚାଳନା କରିଥିଲେ। ଶିକ୍ଷକ ଚନ୍ଦ୍ରମଣି ବେମାଲ, ଉପେନ୍ଦ୍ର କୁମାର ସାହୁ, ଶେଖର ଚନ୍ଦ୍ର ସାହୁ, ଲୋକନାଥ ରାଉତ, ଶିକ୍ଷୟିତ୍ରୀ ବୀଣାପାଣି ମାଝୀ, ଯୋଶୋଧାରା ବାଗ, ହୀରଣ୍ୟମୟୀ ପଣ୍ଡା ଓ ଶିକ୍ଷକ ଶିକ୍ଷୟିତ୍ରୀ କର୍ମଚାରୀ ମାନେ ଉପସ୍ଥିତ ରହି ବିଦାୟ ସମ୍ବର୍ଦ୍ଧନା ଜଣାଇଥିଲେ।