ପିସି ପାଇଁ ପଳାଶୁଣୀ ପାଖ ଓଭରବ୍ରିଜ ଭାଙ୍ଗିଗଲା

ମୋ ଟିଭି ଓଡିଶା / ଭୁବନେଶ୍ୱର : ଓଡ଼ିଶାର ସର୍ବ ପୁରାତନ ନାଟ୍ୟସଂସ୍ଥା ଶତାବ୍ଦୀର କଳାକାର ର ୩୧ ବ୍ୟାଚର ଛାତ୍ରଙ୍କ ଦ୍ୱାରା ନାଟକ ” ପି ସି “ ନାଟ୍ୟକେନ୍ଦ୍ର ଠାରେ ପରିବେଷିତ ହୋଇଯାଇଛି l ଏହି ନାଟକ ମାଧ୍ୟମରେ ସରକାରୀ ସ୍ତରରେ କିଭଳି ‘ପିସି ‘ ନ ହେଲେ କାମ ଆଗକୁ ବଢ଼େନି ତାହା ପରିବେଷଣ କରାଯାଇଛି l ପିସି ପାଇଁ ପଳାଶୁଣି ପାଖରେ ଏକ ଓବରବ୍ରିଜ ଭାଙ୍ଗିଯାଇଛି l ଏହାର ତଦନ୍ତ ହେବା ସହିତ ମାମଲା ନ୍ୟାୟାଳୟରେ ଚାଲୁଛି l ପିସି ପାଇଁ କିଭଳି ନିମ୍ନମାନର କାମ ହେଉଛି ତାହା କଳାକାରମାନେ ଅଭିନୟ ମାଧ୍ୟମରେ ପ୍ରଦର୍ଶନ କରିଥିଲେ l ବିଶ୍ୱନାଥ ପତି ନାଟକର ରଚନା କରିଥିଲା ବେଳେ ବିଘ୍ନରାଜ ଜେନା ନିର୍ଦେଶନା ଦେଇଥିଲେ l

ନାଟକ ମଞ୍ଚସ୍ଥ ପୂର୍ବରୁ ଅନୁଷ୍ଠାନର ସଭାପତି ବିଶିଷ୍ଟ କଥାକାର ଗୌରହରି ଦାସଙ୍କ ପୌରାହିତ୍ୟରେ ଏକ ସଭା ଅନୁଷ୍ଠିତ ହୋଇଥିଲା l ଏଥିରେ ବିଶିଷ୍ଟ ଅତିଥି ବିଧାୟକ ବାବୁ ସିଂ, ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ବିଭାଗର ଯୁଗ୍ମ ସଚିବ ଦେବପ୍ରସାଦ ଦାଶ, ଚଳଚିତ୍ର ନିର୍ଦେଶକ ରଞ୍ଜନ ମିଶ୍ର, ଅଭିନେତା ବିକାଶ ପଟ୍ଟନାୟକ ଯୋଗଦେଇ କାର୍ଯ୍ୟକ୍ରମକୁ ଉଦଘାଟନ କରିଥିଲେ l ଏହି ଅବସରରେ ୩୧ ବ୍ୟାଚର କୃତୀ ଶିକ୍ଷାର୍ଥୀଙ୍କୁ ସାର୍ଟିଫିକେଟ ପ୍ରଦାନ କରାଯାଇଥିଲା l ସାଧାରଣ ସମ୍ପାଦକ ଧିରେନ୍ଦ୍ରନାଥ ମଲ୍ଲିକ କାର୍ଯ୍ୟକ୍ରମକୁ ପରିଚାଳନା କରିଥିଲେ l