ଦଣ୍ଡପାଟ ଧନୁଯାତ୍ରା ପାଇଁ ଶୁଭସ୍ତମ୍ଭ ସ୍ଥାପନ

କଳାହାଣ୍ଡି:୦୭/୧୨
ରିପୋର୍ଟ—ସନତ ପ୍ରଧାନୀ

କଳାହାଣ୍ଡି ଜିଲ୍ଲା ଧର୍ମଗଡ ବ୍ଲକ ଦଣ୍ଡପାଟ ମୁକ୍ତ ରଙ୍ଗମଞ୍ଚ ରେ ଧନୁଯାତ୍ରା ଆସନ୍ତା ୨୫ ତାରିଖ ରୁ ଆରମ୍ଭ ହେବ। ଧନୁଯାତ୍ରା ପାଇଁ ଶୁଭସ୍ତମ୍ଭ ସ୍ଥାପନ ଅନୁଷ୍ଠିତ ହୋଇଯାଇଛି l

ପୂଜା କର୍ତ୍ତା ଭାବେ ଇଶ୍ଵର ବାଣୁଆ ଓ ବିନ୍ଦିଆ ବାଣୁଆ ଦାଇତ୍ୱ ତୁଲାଇଥିବା ବେଳେ ପୂଜକ ମୋହନ ତିୱାରୀ ରହିଥିଲେ। ଏହି ଧନୁଯାତ୍ରା ପାଇଁ ହାଇସ୍କୁଲ ପଡ଼ିଆ କୁ ମଥୁରା ନଗରୀ ଓ ମଝିରପଦା କୁ ଗୋପପୁର କରାଯାଇଛି । ଏଥିପାଇଁ ଶୁକ୍ରବାର ଶୁଭସ୍ତମ୍ଭ ସ୍ଥାପନ କରାଯାଇଛି ।

ଏହି ଅବସରରେ ଧନୁଯାତ୍ରା ଉତ୍ସବ କମିଟି ର ସଭାପତି ବିନ୍ଦୁସାର ବିଶି , ଭବେଶ ଗଏନ୍ତ।, ଉପେନ୍ଦ୍ର ନାଏକ, ବାଳକୃଷ୍ଣ ବିଶି, ଗୁଣନିଧି ନାଗ, ହୁକିମ ବିଶି, ପିକ ବିଶି, ହେମାଳ, ଭବାନୀ, ଅଭୟ, ସୋମନାଥ ବିଶି, ସୁକଲୁ ପଟେଲ, ତପୁ ନାଏକ, ବଳରାମ ପୁଝାରୀ ସମେତ କମିଟିର ସମସ୍ତ ସଦସ୍ୟ ଓ ଗ୍ରାମବାସୀ ଉପସ୍ଥିତ ରହିଥିଲେ । ଚଳିତ ବର୍ଷ କଂସ ଭୂମିକାରେ ଗୋପାଲ ପଣ୍ଡା ଅଭିନୟ କରିବେ ବୋଲି କମିଟି ପ୍ରକାଶ କରିଛନ୍ତି।