ସ୍ବାମୀ ଲକ୍ଷ୍ମଣାନନ୍ଦ ସରସ୍ବତୀ ଙ୍କ ଶ୍ରାଦ୍ଧ ଦିବସ

ମୋ ଟିଭି ଓଡିଶା : ୧୯୬୮ରୁ ୨୦୦୮ – ଦୀର୍ଘ ଚାଳିଶ
ବର୍ଷର ସାଧନା । ଆରମ୍ଭ ହୋଇଥିଲା ଗୋରକ୍ଷା ଆନ୍ଦୋଳନରୁ ଶେଷ ହେଲା ହିନ୍ଦୁ ରକ୍ଷା ମହାଯଜ୍ଞରେ । ଏ ମହାଯଜ୍ଞରେ ନିଜକୁ ଆହୂତି ଦେଇଦେଲେ ବେଦାନ୍ତାକେଶରୀ ସ୍ଵାମୀ ଲକ୍ଷ୍ମଣାନନ୍ଦ ସରସ୍ବତୀ । ସନ୍ନ୍ୟାସୀ ଜୀବନର ମୋକ୍ଷ ପ୍ରାପ୍ତିର ସାଧନାକୁ ଜଳାଞ୍ଜଳି ଦେଇ ସ୍ବାମୀ । ଲକ୍ଷ୍ମଣାନନ୍ଦ ଗ୍ରହଣ କରି କରି ନେଇଥିଲେ ‘ହିନ୍ଦୁରକ୍ଷା’ର ମହାଦୀକ୍ଷା। ‘ନ ହିନ୍ଦୁ ପତିତୋ ଭବେତ୍’- ହିନ୍ଦୁ କେବେ ପତିତ ହୋଇ ପାରେନା । ତାକୁ ଛଳେ ବଳେ କୌଶଳେ କେହି କେବେ ଧର୍ମାନ୍ତରିତ କରି ଖ୍ରୀଷ୍ଟିଆନ କରିନପାରେ । ସେ ବନବାସୀ ହୋଇପାରେ, ଦରିଦ୍ର ହୋଇପାରେ, ନିରକ୍ଷର ହୋଇପାରେ, ତଥାପି ସେ ସ୍ବାଭିମାନ ସହ ହିନ୍ଦୁ ହୋଇ ରହିବ । ସେ ମଦ ଛାଡ଼ିବ, ପାଠ ପଢିବ । ଖ୍ରୀଷ୍ଟିଆନ ମିଶନାରୀ- ଙ୍କ ପ୍ରରୋଚନାରେ ପଡ଼ି ଗାହତ୍ୟା କରିବନି ବରଂ ଗୋମାତାର ପୂଜା କରିବ । ଭାଗବତ ପାଠ କରିବ, ତୁଳସୀ ରୋପଣ କରିବ । ଜଙ୍ଗଲରେ ବୁଲି ଫଳମୂଳ ସଂଗ୍ରହ କରିବ ନାହିଁ, ବରଂ ଉନ୍ନତ ପ୍ରଣାଳୀର ଚାଷବାସ କରି ମଣିଷପରି ମଣିଷ ହୋଇ ଚଳିବ। ଏହାହିଁ ଥିଲା ସ୍ବାମୀ ଲକ୍ଷ୍ମଣାନନ୍ଦଜୀଙ୍କର ସାଧନାର ସିଦ୍ଧି, ଯେଉଁଥିରେ କେବଳ କନ୍ଧମାଳ ଜିଲ୍ଲା ନୁହେଁ, ସାରା ଓଡ଼ିଶା ଅନୁପ୍ରାଣିତ- ଅନୁଗୃହୀତ ହୋଇଥିଲା ‌।

ଏକଦା ନିଜକୁ ଦଳିତ, ପତିତ, ଅସବର୍ଣ୍ଣ ଅଣହିନ୍ଦୁ (ଆଦିବାସୀ) ଭାବୁଥିବା ବନବାସୀମାନେ ସୁସ୍ଥ , ସଂସ୍କୃତ, ସମୃଦ୍ଧ ଜୀବନ ଯାପନ କରିପାରିଲେ । ସ୍ୱାମୀଜୀଙ୍କର ଦୀର୍ଘ ଚାଳିଶବର୍ଷର ‘କର୍ମଯୋଗ’ର ଇତି ଇତିବୃତ୍ତ ତାଙ୍କ ନିଜ ତୁଣ୍ଡରେ । ୧୬ ବର୍ଷ ତଳେ ଏହି ଜନ୍ମାଷ୍ଟମୀ ତିଥିରେ କନ୍ଧମାଳର ଜଲେଶପଟା କନ୍ୟାଶ୍ରମ ଉତ୍ସବମୁଖର ଥିବା ବେଳେ ଧର୍ମାନ୍ଧ ଆତତାୟୀମାନେ ନିର୍ମମଭାବେ ଗୁଳିକରି ୮୪ ବର୍ଷୀୟ ସ୍ବାମୀ ଲକ୍ଷ୍ମଣାନନ୍ଦ ସରସ୍ବତୀ ଓ ତାଙ୍କର ଅନୁଗାମୀଙ୍କୁ ହତ୍ୟା କରିଥିଲେ। ଘଟଣାକୁ ୧୬ ବର୍ଷ ପୁରିଛି । ନା ହତ୍ୟାକାରୀଙ୍କୁ ଦଣ୍ଡ ମିଳିଲା ନା ହତ୍ୟା ଷଡ଼ଯନ୍ତ୍ରକାରୀ କିଏ ଧରାପଡ଼ିଲା ? ପୂଜ୍ୟ ସ୍ବାମୀ ଲକ୍ଷ୍ମଣାନନ୍ଦଙ୍କ ହତ୍ୟାକାରୀ କିଏ ? ବିନା ଶତ୍ରୁତାରେ ନକ୍ସଲମାନେ କଣ ସତରେ ସ୍ବାମୀ ଲକ୍ଷ୍ମଣାନନ୍ଦଙ୍କୁ ହତ୍ୟା କରିଥିଲେ ? ଧର୍ମାନ୍ତରୀକରଣର ଦୋକାନ ଚଲାଇ ସରଳ ଆଦିବାସୀମାନଙ୍କୁ ବିଭ୍ରାନ୍ତ କରୁଥିବା ମାଫିଆମାନଙ୍କର ଏହି ହତ୍ୟାକାଣ୍ଡରେ ସମ୍ପୃକ୍ତି ଥାଇ ବି କାହିଁକି ସେମାନେ ଖସିଗଲେ ? କେଉଁ ସରକାରର ଛତ୍ରଛାୟାରେ ?
ସ୍ବାମୀ ଲକ୍ଷ୍ମଣାନନ୍ଦ ସରସ୍ବତୀ ଙ୍କ ଶ୍ରାଦ୍ଧ ଦିବସ ରେ ଭକ୍ତିପୂର୍ଣ୍ଣ ଶ୍ରଦ୍ଧାସୁମନ ଅର୍ପଣ କରୁଛୁ ।ଆଦିବାସୀମାନଙ୍କ ଉତ୍ଥାନ ପାଇଁ ଅହରହ ସଂଗ୍ରାମ ଜାରି ରଖିଥିବା ସ୍ବାମୀଜୀଙ୍କ ଅବର୍ତମାନରେ ଶୃଷ୍ଟ କ୍ଷତି ଭରଣା ହେବା କଷ୍ଟକର ।

ସତ୍ୟାନନ୍ଦ ପାଣିଗ୍ରାହୀ