ଖୋଲିବ ଶ୍ରୀମନ୍ଦିର ରତ୍ନଭଣ୍ଡାର ।

ମୋ ଟିଭି ଓଡିଶା / ପୁରୀ :

ଖୋଲିବ ଶ୍ରୀମନ୍ଦିର ରତ୍ନଭଣ୍ଡାର । ଆସନ୍ତା ୮ ତାରିଖରେ ମହାପ୍ରଭୁଙ୍କ ରତ୍ନ ଭଣ୍ଡାରର ଅଳଙ୍କାର ଗଣତି ହେବ । ଗୃହ ସଚିବଙ୍କ ଚିଠି ସାର୍ବଜନୀନ ପରେ ବଢ଼ିଲା ଚର୍ଚ୍ଚା। ମହାପ୍ରଭୁଙ୍କ ରତ୍ନ ଭଣ୍ଡାରର ଅଳଙ୍କାର ଗଣତି ହେବ । ରତ୍ନ ଭଣ୍ଡାର କମିଟିର ଅଧ୍ୟକ୍ଷ ଜଷ୍ଟିସ ଅରିଜିତ ପଶାୟତଙ୍କ ନେତୃତ୍ୱରେ ଏହି ରତ୍ନ ଗଣତି ହେବ । ତେବେ ଆସନ୍ତା 8 ତାରିଖରୁ 27 ତାରିଖ ଯାଏ ଏହି ଗଣତି କାର୍ଯ୍ୟ ହେବ । ଦୀର୍ଘ 20 ଦିନ ଧରି ଏହି ଗଣତି କାର୍ଯ୍ୟ ହେବ ।

ରାଜ୍ୟ ଗୃହ ସଚିବଙ୍କ ଏକ ଚିଠିରୁ ଏନେଇ ସୂଚନା ମିଳିଛି । ତେବେ ଅସନ୍ତା 5ତାରିଖରେ ଏନେଇ ପୁରୀରେ ଥିବା ହାଇକୋର୍ଟ ଗେଷ୍ଟ ହାଉସରେ ରତ୍ନ ଭଣ୍ଡାର କମିଟିର ଅଧ୍ୟକ୍ଷ ଜଷ୍ଟିସ ଅରିଜିତ ପଶାୟତଙ୍କ ଅଧ୍ୟକ୍ଷତାରେ ଏକ ବୈଠକ ବସିବ । ବୈଠକ ପରେ ରତ୍ନଭଣ୍ଡାର ଖୋଲିବ ।

ପ୍ରକାଶଯୋଗ୍ୟ, ଶ୍ରୀମନ୍ଦିର ରତ୍ନ ଭଣ୍ଡାର ଖୋଲିବା ନେଇ ବିଜେପି ନିର୍ବାଚନ ଇସ୍ତାହାରରେ ପ୍ରତିଶ୍ରୁତି ଦେଇଥିଲା । ଖୁବଶୀଘ୍ର ରତ୍ନ ଭଣ୍ଡାର ଖୋଲିବ ବୋଲି ମୁଖ୍ୟମନ୍ତ୍ରୀ ମୋହନ ମାଝୀ ଘୋଷଣା କରିଥିଲେ । ତେବେ ରତ୍ନ ଭଣ୍ଡାର ଖୋଲିବା ନେଇ ରାଜ୍ୟ ଗୃହ ସଚିବଙ୍କ ଚିଠି ସାର୍ବଜନୀନ ହୋଇଥିବା ବେଳେ ଏ ନେଇ କିନ୍ତୁ ରାଜ୍ୟ ସରକାରଙ୍କ କୌଣସି ପ୍ରତିକ୍ରିୟା ମିଳିପାରିନାହିଁ ।