ଦାରିଙ୍ଗବାଡିରେ ଗଡ଼ିଲା ସୁଭଦ୍ରା ସଚେତନତା ରଥ

ଦାରିଙ୍ଗବାଡି,ମୋ ଟିଭି ଓଡିଶା:(ସୁଶାନ୍ତ ସାହୁ) ଦାରିଙ୍ଗବାଡି ବ୍ଲକ ର ୨୫ଟି ପଞ୍ଚାୟତ ରେ ସୁଭଦ୍ରା ଯୋଜନାର ସଚେତନତା ରଥ ଗୁରୁବାର ଉଦଘାଟିତ ହୋଇଯାଇଛି । ବ୍ଲକ କାର୍ଯ୍ୟାଳୟଠାରେ ବିଡିଓ ଗଦାଧର ପାତ୍ର ଓ ବ୍ଲକ ଅଧକ୍ଷ ସୁଶାନ୍ତ କୁମାର ପ୍ରଧାନ ଏହି କାର୍ଯ୍ୟକ୍ରମରେ ଯୋଗ ଦେଇ ରଥ ପରିକ୍ରମାର ଉଦଘାଟନ କରିଥିଲେ । ୫ଦିନ ମଧ୍ୟରେ ବ୍ଲକ ର ସମସ୍ତ ୨୫ଟି ପଞ୍ଚାୟତ ଅନ୍ତର୍ଗତ ସମସ୍ତ ସାହି ବସ୍ତିରେ ଏହି ରଥ ପରିକ୍ରମା କରିବ । ରାଜ୍ୟ ସରକାରଙ୍କର ମହିଳାଙ୍କ ପାଇଁ ଉଦ୍ଦିଷ୍ଟ ଏହି ନୂତନ ସୁଭଦ୍ରା ଯୋଜନା ସମ୍ପର୍କରେ ପ୍ରଚାର ପ୍ରସାର କରି ଜନସଚେତନତା ସୃଷ୍ଟି କରିବା ଏହାର ମୁଖ୍ୟ ଉଦ୍ଦେଶ୍ୟ ବୋଲି ବିଡିଓ ଗଦାଧର ପାତ୍ର କହିଛନ୍ତି ।

ଏହି କାର୍ଯ୍ୟକ୍ରମରେ ସିଡିପିଓ ସନ୍ଧ୍ୟାରଣୀ ପଣ୍ଡା ଉପସ୍ଥିତ ରହି ବ୍ଲକ ରେ ୫୭ହଜାର ମହିଳା ଓ ଯୁବତୀ ଏହି ଯୋଜନାରେ ସାମିଲ ହେବା ପାଇଁ ସମସ୍ତ ଅଙ୍ଗନୱାଡ଼ି କେନ୍ଦ୍ର ରେ ଫର୍ମ ଉପଲବ୍ଧ କରାଯାଇଛି ଗୁରବାର ସୁଦ୍ଧା ୧୩ହଜାର ରୁ ଉର୍ଦ୍ଧ୍ବ ମହିଳା ଆବେଦନ କରିଥିବା ନେଇ ସୂଚନା ଦେଇଛନ୍ତି ସିଡିପିଓ l ସଚେତନତା ରଥ ଉଦଘାଟନ ସମୟରେ ବ୍ଲକ ର ସମସ୍ତ ଅଧିକାରୀ ଓ କର୍ମଚାରୀ ଏବଂ ବିଭିନ୍ନ ମହିଳା ସ୍ଵୟଂ ସହାୟକ ଗୋଷ୍ଠୀର ସଦସ୍ୟ MBK CRP ଉପସ୍ଥିତ ଥିଲେ l