ଆଇଏଏସ ପରୀକ୍ଷା ରେ ୮୦୦ ରେଙ୍କ ରଖି କଳାହାଣ୍ଡି ଜିଲ୍ଲା ପାଇଁ ଗୌରବ ଆଣିଲେ ସିଦ୍ଧାନ୍ତ ବେଶ୍ରା।

କଳାହାଣ୍ଡି:୧୬/୦୪ : ମଙ୍ଗଳବାର ଆଇଏଏସ ପରୀକ୍ଷା ଫଳ ପ୍ରକାଶ ପାଇଛି। ଏହି ପରୀକ୍ଷା ରେ କଳାହାଣ୍ଡି ଜିଲ୍ଲା କୋକସରା ବ୍ଲକ କାଉଡୋଳା ଗ୍ରାମର ଇଂ.ରାଜେନ୍ଦ୍ର ବେଶ୍ରା ଓ ଅଞ୍ଜନା ନାଗ ଙ୍କ ପୁଅ ସିଦ୍ଧାନ୍ତ ବେଶ୍ରା ୮୦୦ ରେଙ୍କ ରେ କୃତକାର୍ଯ୍ୟ ହୋଇ ଜିଲ୍ଲା ଓ ବ୍ଲକ ପାଇଁ ଗୌରବ ଆଣିଛନ୍ତି। ସେ ପୂର୍ବରୁ ଟାଟା ଷ୍ଟିଲ ରେ ଆସିଷ୍ଟାଣ୍ଡ ଜେନେରାଲ ମ୍ୟାନେଜର ଭାବେ କାର୍ଯ୍ୟ କରୁଥିବା ବେଳେ ଗତବର୍ଷ ୨୩/୦୫/୨୦୨୩ ରେ ସର୍ଵ ଭାରତୀୟ ପ୍ରଶାସନିକ ପରୀକ୍ଷା ରେ ୮୮୭ ରେଙ୍କ ରଖି କୃତକାର୍ଯ୍ୟ ହୋଇଥିଲେ । ପୁଣିଥରେ ସେ ଆଇଏଏସ ପରୀକ୍ଷା ଦେଇ ସଫଳତା ପାଇଛନ୍ତି।ଏହି ଖବର ମିଳିବା ପରେ କଳାହାଣ୍ଡି ଜିଲ୍ଲା,କୋକସରା ବ୍ଲକ ସମେତ ସିଦ୍ଧାର୍ଥ ବେଶ୍ରା ଙ୍କ ପୈତୃକ ଗ୍ରାମ କାଉଡୋଳା ରେ ଖୁସି ର ଲହରୀ ଖେଳିଯାଇଛି। ଅନେକ ବର୍ଷ ଧରି ସିଦ୍ଧାନ୍ତ ବେଶ୍ରା ପରିବାର ସହ ଭୁବନେଶ୍ୱର ରେ ରହୁଛନ୍ତି। ଦ୍ଵିତୀୟ ଥର ପାଇଁ କୋକସରା ବ୍ଲକ ର ପୁଅ ଆଇଏଏସ ପରୀକ୍ଷା ରେ କୃତିତ୍ବ ଅର୍ଜନ କରିଥିବା ବେଳେ ତାଙ୍କ ସଫଳତା ପରେ ବିଭିନ୍ନ ମହଲ ରୁ ଶୁଭେଚ୍ଛୁ ମାନେ ଶୁଭେଚ୍ଛା ଜଣାଇଛନ୍ତି।