ନିର୍ବାଚନ ସାରି ଫେରୁଥିବା ବେଳେ ଦୁର୍ଘଟଣାରେ ମୃତ ପ୍ରିଜାଇଡିଂ କର୍ମଚାରୀଙ୍କ ଶବ ଗାଁ କୁ ଫେରିଲା।

ମୋଟିଭି ଓଡିଶା : କଳାହାଣ୍ଡି:୧୬/୦୫ : ନୂଆପଡା ଜିଲ୍ଲା ସିନାପାଲି କେନ୍ଦ୍ର ସମବାୟ ବ୍ୟାଙ୍କ ରେ କ୍ୟାସିୟର ଭାବେ କାର୍ଯ୍ୟ କରୁଥିବା କଳାହାଣ୍ଡି ଜିଲ୍ଲା କୋକସରା ବ୍ଲକ ଲଡୁଗାଁ ପଞ୍ଚାୟତ ସୁପାଡ଼ ଗ୍ରାମର ପ୍ରସନ୍ନ କୁମାର ନାଏକଙ୍କ ପ୍ରିଜାଇଡିଂ ଅଧିକାରୀ ଭାବେ ନିଯୁକ୍ତ ରହି ନିର୍ବାଚନ କାର୍ଯ୍ୟ ଶେଷ କରି ବାଇକ ଯୋଗେ ନିଜ କାର୍ଯ୍ୟସ୍ଥଳୀ ସିନାପାଲି କୁ ଫେରୁଥିବା ବେଳେ ମଙ୍ଗଳବାର ଜାତୀୟ ରାଜପଥ ୩୫୩ କୋମନା ଥାନା ତରବୋଡ଼ ଫୁଣ୍ଡେଲ ନାଲା ନିକଟରେ ଏକ ସଡକ ଦୁର୍ଘଟଣାରେ ମୃତ୍ୟୁ ହୋଇଥିଲା । କୋମନା ପୋଲିସ ପକ୍ଷରୁ ଶବ ବ୍ୟବଚ୍ଛେଦ ପରେ ପରିବାର ବର୍ଗଙ୍କୁ ହସ୍ତାନ୍ତର କରି ଏକ ଦୁର୍ଘଟଣା ଜନିତ ମାମଲା ରୁଜୁ କରାଯିବା ସହ ଘଟଣା ର ଜାରି ରହିଛି। ଅନ୍ୟପଟେ ମଙ୍ଗଳବାର ରାତିରେ ମୃତ କର୍ମଚାରୀଙ୍କ ଶବ ନିଜ ପୈତୃକ ଗ୍ରାମ ସୁପାଡ଼ରେ ପହଞ୍ଚିବା ପରେ ଗାଁ ରେ ଶୋକାକୁଳ ପରିବେଶ ସୃଷ୍ଟି ହୋଇଥିଲା। ବୁଧବାର ସକାଳେ ଗାଁ ମଶାଣିରେ ଶେଷ କୃତ୍ୟ କରାଯାଇଛି। କର୍ମଚାରୀଙ୍କ ଦୁର୍ଘଟଣା ମୃତ୍ୟୁକୁ ନେଇ କଳାହାଣ୍ଡି, ନୂଆପଡା ଜିଲ୍ଲା କେନ୍ଦ୍ର ସମବାୟ ବ୍ୟାଙ୍କର ସଭାପତି ଗିରିଶ ଚନ୍ଦ୍ର ବେହେରା ଓ ବ୍ୟାଙ୍କ ଅଧିକାରୀ, କର୍ମଚାରୀ ମାନେ ଶୋକ ବ୍ୟକ୍ତ କରିଛନ୍ତି।