ଆଠ ଦିନ ଧରି ଚାଲିଥିବା ଆଞ୍ଚଳିକ ଫୁଟବଲ ଲିଗ୍ ଟୁର୍ଣ୍ଣାମେଣ୍ଟ ଉଦଯାପିତ।

ମୋ ଟିଭି ଓଡ଼ିଶା,ଫୁଲବାଣୀ:(ସୁଶାନ୍ତ କୁମାର ସାହୁ,ସୁଶାନ୍ତ ଦିଗାଲ)

କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ଅନ୍ତର୍ଗତ କାଶିନିପଦର ଗ୍ରାମପଞ୍ଚାୟତ ବରେବାଟା ଗ୍ରାମର ଚକାଡୋଳା ଯୁବକ ସଂଘ ପକ୍ଷରୁ ଆଞ୍ଚଳିକ ଫୁଟବଲ ଲିଗ୍ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି । ଦିର୍ଘ ଆଠ ଦିନ ଧରି ଚାଲିଥିବା ଉକ୍ତ ପ୍ରତିଯୋଗିତାରେ ବରେବାଟା, କାଣିବାଲି,
ସୋରୁଲାଇ, ତଳପଡା, ବି.ଏସ୍.ଏଫ୍, ଗୋପିଙ୍ଗିଆ, ଡାଗାରିପଦର, ଭାଲୁରୁଗାଁ ଫୁଟବଲ୍ ଟିମ୍ ଭାଗନେଇଥିଲେ। ସେମି ଫାଇନାଲ ରେ ତଳପଡା ଭର୍ସେସ୍ ଡାଗାରିପଦର ମଧ୍ୟରେ ପ୍ରତିଯୋଗୀ ହେଇଥିବ ବେଳେ ତଳପଡା ୩-୦ ଗୋଲ୍ ରେ ବିଜୟୀ ଲାଭ କରି ଫାଇନାଲ ଖେଳକୁ ଉତିର୍ଣ୍ଣ ହେଇଥିବା ବେଳେ ଅନ୍ୟପଟେ କାଣିବାଲି ଭର୍ସେସ୍ ଭାଲୁରୁଗାଁ ଫୁଟବଲ୍ ଟିମ୍ ମଧ୍ୟରେ ପ୍ରତିଯୋଗୀତା ରେ ଭାଲୁରୁଗାଁ ଟିମ୍ ୧-୦ ଗୋଲରେ ବିଜୟୀ ଲାଭ କରି ଫାଇନାଲ ମ୍ୟାଚ୍ କୁ ଉତିର୍ଣ୍ଣ ହୋଇଥିଲେ। ଫାଇନାଲ୍ ମ୍ୟାଚ୍ ରେ ଭାଲୁରୁଗାଁ ଓ ତଳପଡା ଫୁଟବଲ୍ ଟିମ୍ ମଧ୍ୟରେ ସଂଘର୍ଷ ପୂର୍ଣ୍ଣ ଖେଳ ଦେଖିବାକୁ ମିଳିଥିଲା। ଉକ୍ତ ଫାଇନାଲ ମ୍ୟାଚ୍ ରେ ଲାଇନମ୍ୟାନସ୍ ଭାବରେ ଘାସିରାମ କହଁର ଓ ରାକେଶ ଦିଗାଲ ଦାୟିତ୍ୱରେ ଥିବାବେଳେ ମୁଖ୍ୟ ରେଫରି ଭାବରେ ଅଞ୍ଚଳର ଜଣାଶୁଣା ପ୍ରଫୁଲ୍ଲ କହଁର ଖେଳ ପରିଚାଳନା କରିଥିଲେ। ଖେଳର ଉଦଯାପିତ ଦିବସରେ ମୁଖ୍ୟ ଅତିଥି ଭାବରେ ପଞ୍ଚାୟତର ସରପଞ୍ଚ ଶ୍ରୀମତୀ ପ୍ରତିମା କହଁର ଓ ସମ୍ମାନୀତ ଅତିଥି ଇନ୍ଦିରା କହଁର ପ୍ରମୁଖ ଯୋଗଦାନ କରି ଥିବାବେଳେ ଅଞ୍ଚଳର ମାନ୍ୟଗଣ୍ୟ ବ୍ୟକ୍ତି ମାନେ ମଧ୍ୟ ଯୋଗଦାନ କରିଥିଲେ। ଫାଇନାଲ ମ୍ୟାଚ୍ ରେ ତଳପଡା ଟିମ୍ ଭାଲୁରୁଗାଁ ଟିମକୁ ୧-୦ ଗୋଲରେ ପ୍ରରାସ୍ତ କରି ବିଜୟ ଲାଭ କରି ଚାମ୍ପିଅନ ହୋଇଥିଲା। ଶେଷରେ ଚକାଡୋଳା ଯୁବକ ସଂଘ ତରଫରୁ ବିଜେତା ଓ ଉପ ବିଜେତା ଦଳକୁ ମୁଖ୍ୟ ଅତିଥିଙ୍କ ଦ୍ୱାରା ଟ୍ରଫି ଓ ଅର୍ଥରାଶି ପ୍ରଦାନ କରିବା ସହିତ ଉଭୟ ଦଳକୁ ଅତିଥି ଗଣ ନିଜ ନିଜ ଅଭିଭାଷଣରେ ଖେଳ ବିଷୟରେ ଦିଗଦର୍ଶନ ଜଣାଇ ଥିବା ଦେଖିବାକୁ ମିଳିଥିଲା। ଚକାଡୋଳା ଯୁବକ ସଂଘର ସଭାପତି ଘାସିରାମ କହଁର ସଂଘର ସମସ୍ତ ସଦସ୍ୟ ମାନଙ୍କୁ ଧନ୍ୟବାଦ ଜ୍ଞାପନ କରିଥିଲେ।