ମଣ୍ଡିରେ ଅବ୍ୟବସ୍ଥାକୁ ନେଇ ତାତିଲେ ଚାଷୀ ।

ରାଜରାସ୍ତାରେ ଧାନବସ୍ତା ରଖି ରାସ୍ତା ଅବରୋଧ । କଟଣିଛଟଣି ସହ ୭କେଜି ଧାନ କାଟିବାକୁ ବିରୋଧ କରି ନରସିଂହପୁରରେ ଚାଷୀମାନଙ୍କ ଦ୍ୱାରା ରାସ୍ତା ଅବରୋଧ କରାଯାଇଛି । କୋକଳବା ସେବା ସମବାୟ ସମିତିରେ ଧାନ ଉଠାଇବାକୁ ନେଇ ମିଲର ଓ ଚାଷୀଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି। ଫଳରେ ମିଲରଙ୍କ ମନମୁଖୀ କାର୍ୟ୍ୟ ପାଇଁ ଚାଷୀମାନଙ୍କ ଦ୍ୱାରା କଟକରୁ କମଳାଡିହ ମୁଖ୍ୟ ୬୫ନଂ ରାଜ୍ୟରାଜପଥର କୋକଳବା ଛକ ଠାରେ ରାସ୍ତା ଅବରୋଧ କରାଯାଇଛି। ରାସ୍ତାରୋକ କରିବା ସହ ମିଲରଙ୍କ ବିରୋଧରେ ନାରାବାଜି କରିଛନ୍ତି ୭ଟି ଗାଁର ଚାଷୀ । ଘଟଣା ସ୍ଥଳରେ ନରସିଂହପୁର ଅତିରିକ୍ତ ତହସିଲଦାର ଓ ଥାନା ଅଧିକାରୀ ଭବାନୀ ଖୁଣ୍ଟିଆ ପହଞ୍ଚି ଚାଷୀଙ୍କୁ ବୁଝସୁଝା କରିଛନ୍ତି । ତୁରନ୍ତ ସମାଧାନ ନ ହେଲେ ଆନ୍ଦୋଳନ ତୀବ୍ରତର ହେବ ବୋଲି କହିଲେ ଚାଷୀ।

ମୋ ଟିଭି ଓଡିଶା ଡେସ୍କ