ଚଳିତ ବର୍ଷର ପ୍ରଥମ ତୁଷାର ପାତ ଦାରିଙ୍ଗବାଡ଼ିରେ ତାପମାତ୍ରା ୭.୫ ଡିଗ୍ରୀକୁ ହ୍ରାସ

ଚଳିତ ବର୍ଷର ପ୍ରଥମ ତୁଷାର ପାତ ଦାରିଙ୍ଗବାଡ଼ିରେ ତାପମାତ୍ରା ୭.୫ ଡିଗ୍ରୀକୁ ହ୍ରାସ, ଶୀତର ପ୍ରକୋପ ବୃଦ୍ଧି ସହିତ ପର୍ଯ୍ୟଟକଙ୍କ ଗସ୍ତ ବୃଦ୍ଧି ପାଇଛି ।

ଦାରିଙ୍ଗବାଡି,ମୋ ଟିଭି ଓଡ଼ିଶା(ସୁଶାନ୍ତ କୁମାର ସାହୁ)

କନ୍ଧମାଳ ଜିଲ୍ଲା ଦାରିଙ୍ଗବାଡ଼ିରେ କିଛିଦିନ ହେଲା ତାପମାତ୍ରା କ୍ରମାଗତ ଭାବେ ହ୍ରାସ ପାଇ ଆଜି ୭.୫ ଡିଗ୍ରୀ ସେଲସିୟସ ହୋଇଛି । ଗତ ୧୨ ତାରିଖ ଦିନ ତାପମାତ୍ରା ୧୨.୫ ଡିଗ୍ରୀ ସେଲସିୟସ ରହିଥିଲା ବେଳେ ୧୩ ତାରିଖ ଦିନ ଏହା ୧୧ ଡିଗ୍ରୀ ସେଲସିୟସ ଓ ୧୪ତାରିଖ ଦିନ ୧୦ ଡିଗ୍ରୀ ସେଲସିୟସକୁ ହ୍ରାସ ପାଇ ଆଜି ୭.୫ ଡିଗ୍ରୀ ସେଲସିୟସ ହୋଇଛି ।

୪ ଦିନରେ ତାପମାତ୍ରା କ୍ରମାଗତ ଭାବେ ୪ ଡିଗ୍ରୀ ସେଲସିୟସ ହ୍ରାସ ପାଇ ଶୀତର ପ୍ରକୋପ ବୃଦ୍ଧି ହୋଇ ଜନଜୀବନକୁ ଅସ୍ତବ୍ୟସ୍ତ କରିଛି ।ଶୀତରୁ ରକ୍ଷା କରିବା ପାଇଁ ସାହାରାଞ୍ଚଳରେ ଗରମ ପୋଷାକ ଦିନସାରା ପିନ୍ଧି ରହୁଥିଲା ବେଳେ ଗ୍ରାମାଞ୍ଚଳ ନିଆଁ ଜଳାଇ ବସିରୁହୁଥିବ ଦେଖିବାକୁ ମିଳିଛି । ହେଲେ ଦାରିଙ୍ଗବାଡ଼ିକୁ ଶୀତର ମଜା ନେବାପାଇଁ ପର୍ଯ୍ୟଟକଙ୍କ ସୁଅ ଛୁଟିଛି । ବିଭିନ୍ନ ପର୍ଯ୍ୟଟନ ସ୍ଥଳୀରେ ପର୍ଯ୍ୟଟକଙ୍କ ଭୋଜିଭାତ,ନାଚ ଗୀତକରି ଭିଡ଼ ଜମାଇ ଖୁସି ମାନାଉଥିବ ଦେଖିବାକୁ ମିଳୁଛି ।