ମୂଷା ବଂଶକୁ ସମ୍ପୂର୍ଣ୍ଣ ନିପାତ କରି ହେବନି

ମୂଷା ବଂଶକୁ ସମ୍ପୂର୍ଣ୍ଣ ନିପାତ କରି ହେବନି, କିଛି ମୂଷା ଅନ୍ୟ କିଆରିକୁ ପଳେଇଲେଣି। ଏଭଳି କହିଛନ୍ତି ପାରାଦୀପର ପୂର୍ବତନ ବିଧାୟକ ତଥା ବିଜେଡି ନେତା ସମ୍ବିତ ରାଉତରାୟ। ସମ୍ପୂର୍ଣ୍ଣ ମୂଷା ବଂଶକୁ ନିପାତ କରି ହେବନି, ଏହାର ପ୍ରତିକାର କରିବାକୁ ପଡ଼ିବ। ମୂଷାକୁ ଫସଲଠାରୁ ଦୂରେଇବାକୁ ପଡ଼ିବ। ପୂର୍ବରୁ ନିର୍ବାଚନ ପରାଜୟ ବାବଦରେ ମୂଷା ଉପାଖ୍ୟାନ କହି ଚର୍ଚ୍ଚାକୁ ଆସିଥିଲେ ସମ୍ବିତ।

ଆଉ ଏବେ ପୁଣି ଥରେ ସେ ମୂଷା ଉପାଖ୍ୟାନକୁ ଦୋହରାଇଛନ୍ତି। ସେତେବେଳେ ସେ କହିଥିଲେ, ନବୀନ ହାରିନାହାନ୍ତି, ତାଙ୍କୁ ସୁଚିନ୍ତିତ ଭାବେ ହରାଇ ଦିଆଯାଇଛି। ‘ଢୋଲ ଭିତରେ ମୂଷା ରହିଲେ, ମୂଷା କିଏ ଆପଣ ଜାଣିଥିବେ ବୋଲି ସେ କହିଥିଲେ। ଆଜି ନ ହେଲେ କାଲି ସେ ମୂଷା କଢ଼ା ହେବେ ବୋଲି ସମ୍ବିତ କହିଥିଲେ।ଦଳ ଭିତରେ ଥିବା କିଛି ବିଶୃଙ୍ଖଳିତ ନେତାଙ୍କୁ ଟାର୍ଗେଟ କରି ସେ ଏମିତି କହିଥାଇ ପାରନ୍ତି ବୋଲି କୁହାଯାଉଛି।

ମୋ ଟିଭି ଓଡିଶା, ଭୁବନେଶ୍ୱର