ଆଜିଠୁ ପୁଣି ଆରମ୍ଭ ହେବ ରତ୍ନଭଣ୍ଡାର ମରାମତି କାମ ।

ନୀତିକାନ୍ତି ପାଇଁ ୪ ଦିନ ବନ୍ଦ ରହିଥିଲା ମରାମତି କାମ । ପୁଷ୍ୟାଭିଷେକ ନୀତି, ମକର ସଂକ୍ରାନ୍ତି, ସୁନାବେଶ, ନବାଙ୍କ ବେଶ ଭଳି ବିଭିନ୍ନ ନୀତି ଏବଂ ଶ୍ରଦ୍ଧାଳୁଙ୍କ ଭିଡ଼କୁ ଦୃଷ୍ଟିରେ ରଖି ରତ୍ନଭଣ୍ଡାର ମରାମତି କାମ ବନ୍ଦ ରଖିଥିଲା ମନ୍ଦିର ପ୍ରଶାସନ । ଜାନୁଆରୀ ୧୨ରୁ ୧୫ ତାରିଖ ପର୍ୟ୍ୟନ୍ତ ମରାମତି କାମ ବନ୍ଦ ରହିଥିଲା । ରତ୍ନଭଣ୍ଡାର ପ୍ଲାଷ୍ଟର ଛଡ଼ା କାମ ସରିଥିବା ବେଳେ ଆଜି ପଥର ରିପ୍ଲେସମେଣ୍ଟ କାର୍ୟ୍ୟ ଜାରି ରହିବ। ପ୍ରଥମେ ଭର୍ଟିକାଲ୍ କ୍ରାକ୍ସ ଓ ପରେ ଚଟାଣରେ ଥିବା ମୂଷା ଗାତ ମରାମତି କାର୍ୟ୍ୟ କରାଯିବ ।

ମୋ ଟିଭି ଓଡିଶା, ପୁରୀ