ସୋର ବାଗୁଡ଼ି ରାସ୍ତା ମରାମତି ଦାବିରେ ମନ୍ତ୍ରୀଙ୍କୁ ରାସ୍ତା ଅବରୋଧ କଲେ ଗ୍ରାମବାସୀ

ସୋର ବାଗୁଡ଼ି ରାସ୍ତା ମରାମତି ଦାବିରେ ମନ୍ତ୍ରୀଙ୍କୁ ରାସ୍ତା ଅବରୋଧ କଲେ ଗ୍ରାମବାସୀ, ଏକ ମାସ ମଧ୍ୟରେ ରାସ୍ତା ମରାମତି କରାଯିବାକୁ ମହୋତ୍ସବ ମଞ୍ଚ ଉପରେ ପରିବହନ ମନ୍ତ୍ରୀ ଙ୍କ ପ୍ରତିଶୃତି।

ସୋର : ୦୮/୧୧/୨୪

ପରିବହନ ମନ୍ତ୍ରୀ ଙ୍କୁ ଅଂଚଳବାସି ଙ୍କ ତୀବ୍ର ବିରୋଧ, ଅଧା ବାଟ ରୁ ଫେରି ରାସ୍ତା ବଦଳାଇ ଗଲେ ମନ୍ତ୍ରୀ ବିଭୁତି ଭୂଷଣ ଜେନା l

ବାଲେଶ୍ୱର ଜିଲ୍ଲା ବାଗୁଡ଼ି ଠାରେ ବାଗୁଡ଼ି ମହୋତ୍ସବ କାର୍ଯ୍ୟକ୍ରମ ରେ ପରିବହନ ମନ୍ତ୍ରୀ ବିଭୁତି ଭୂଷଣ ଜେନା ଅତିଥି ହୋଇ ଆସିଥିଲେ l ମନ୍ତ୍ରୀ ଆସିଥିବା ଖବର ଜାଣି ମାଣୀତ୍ରୀ ଛକ ନିକଟରେ ଅଂଚଳବାସି ମାନେ ଏକତ୍ରିତ ହୋଇ ରାସ୍ତା ଅବରୋଧ କରିଥିଲେ l ଦୀର୍ଘ ଦିନ ଧରି ସୋର ବାଗୁଡ଼ି ରାସ୍ତା ଅବସ୍ଥା ଶୋଚନିୟ ଥିବାରୁ ଅଂଚଳବାସି ମାନେ ବାରମ୍ବାର ଅଭିଯୋଗ କରିଥିଲେ l କେହି ନଶୁଣିବାରୁ ଆଜି ବାଗୁଡ଼ି ମହୋତ୍ସବ ରେ ଯୋଗ ଦେବାକୁ ମନ୍ତ୍ରୀ ଆସିଥିବା ଖବର ପାଇ ରାସ୍ତା ରେ ଅବରୋଧ କରିଥିଲେ l

ପୋଲିସ ପହଁଚି ବୁଝାସୁଝା କରିଥିଲେ l ଲୋକ ମାନେ ଜିଦ ରେ ଅଟଳ ରହିବାରୁ ଶେଷରେ କୌଣସି ଉପାୟ ନପାଇ ମନ୍ତ୍ରୀ ଅଧା ରୁ ଫେରି ରାସ୍ତା ବଦଳାଇ ଅନ୍ୟ ବାଟେ ଦେଇ ଭୁବନେଶ୍ୱର ଫେରି ଯାଇଥିଲେ l ଲୋକ ମାନଙ୍କ ମଧ୍ୟ ରେ ତୀବ୍ର ଅସନ୍ତୋଷ ଦେଖିବାକୁ ମିଳିଛି l ଅନ୍ୟ ପଟେ ମନ୍ତ୍ରୀ ମହୋତ୍ସବ ମଞ୍ଚ ରେ ଏକ ମାସ ଭିତରେ ରାସ୍ତା ମରାମତି କାମ କରାଯିବାକୁ ପୂର୍ତ୍ତ ବିଭାଗ ମନ୍ତ୍ରୀଙ୍କ ସହ ଆଲୋଚନା କରି ସମାଧାନ କରାଯିବ ବୋଲି ପ୍ରତିଶୃତି ଦେଇଛନ୍ତି।