ଭାଇ ର ଜୀବନ ବଞ୍ଚାଇବାକୁ ଯାଇ ଟ୍ରେନରେ କଟି ଦୁଇ ଭାଇ ମୃତ।

ମୋ ଟିଭି ଓଡିଶା / ସୋର : ୦୯/୦୭/୨୦୨୪

ଦାଣ୍ଡ ହରିପୁର ଗେଟ ନିକଟରେ ଟ୍ରେନରେ କଟି ଦୁଇଜଣ ଭାଇ ଙ୍କ ମୃତ୍ୟୁ। ଗତକାଲି ବିଳମ୍ବିତ ରାତିରେ ଆରୁଆବାଡ ଗ୍ରାମର ରାକେଶ କୁମାର ପାଢୀ (୩୫) ଓ ତାଙ୍କ ମାଉସୀ ପୁଅ ଭାଇ ରତିକାନ୍ତ ସାହୁ ଏକ ବାଇକ ଯୋଗେ ଆସୁଥିବା ବେଳେ ଏହି ଗେଟ ନିକଟରେ ଫାଟକ ପଡ଼ିଥିବାରୁ ଛିଡ଼ାହୋଇଥିଲେ। ହଠାତ ପଛରେ ବସିଥିବା ରତିକାନ୍ତ ଟ୍ରେନ ସମ୍ମୁଖକୁ ଆତ୍ମହତ୍ୟା ପାଇଁ ଦୌଡିଥିବା ବେଳେ ରାକେଶ ତାଙ୍କୁ ବଞ୍ଚାଇବାକୁ ଯାଇଥିଲେ।

ଏହି ସମୟରେ ପୁରୀରୁ ହାଉଡା ଅଭିମୁଖେ ଯାଉଥିବା ପୁରୀ ହାଉଡା ସୁପରଫାଷ୍ଟ ଏକ୍ସପ୍ରେସ ଉଭୟଙ୍କୁ ଧକା ଦେବାରୁ ସେମାନଙ୍କ ଶରୀରର ବିଭିନ୍ନ ଅଂଶ ଖଣ୍ଡଖଣ୍ଡ ହୋଇ ପଡ଼ିଥିଲା। ଖବର ପାଇ ସୋର ଆରପିଏଫ ଓ ବାଲେଶ୍ୱର ଜିଆରପି ପହଂଚି ଶବ ଜବତ କରି ବ୍ୟବଛେଦ ପାଇଁ ବାଲେଶ୍ୱର ନେଇଥିବା ଜଣାପଡିଛି।