ଭିଣୋଇ ଛୁରା ମାଡରେ ଶଳା ମୃତ

ଭୁବନେଶ୍ୱର : ୨୪/୧୦

ଭିଣୋଇର ଛୁରା ମାଡରେ ଶଳା ମୃତ । ଏଭଳି ଅଘଟଣ ରାଜଧାନୀ ଭୁବନେଶ୍ୱରରେ ଘଟିଥିବା ନେଇ ଗୁରୁବାର ଖବର ମିଳିଛି ।

ଚନ୍ଦକା ଥାନା ମେଣ୍ଢାଶାଳ ଗାଁରେ ଏଭଳି ନୃଶଂସ ହତ୍ୟାକାଣ୍ଡ ଘଟିଛି । ମୃତ ଶାଳକଙ୍କ ପୁଅ ସହ ୨ ପୁତୁରା ଗୁରୁତର ହୋଇଛନ୍ତି । ତାଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଛି ।

ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚିଛି । ପାରିବାରିକ କଳହରୁ ଏହି ହତ୍ୟାକାଣ୍ଡ ଘଟିଛି ବୋଲି ପ୍ରାଥମିକ ତଦନ୍ତରୁ ଜଣାପଡିଛି । ଅଭିଯୁକ୍ତ ଭିଣୋଇକୁ ଅଟକ ରଖି ପୁଲିସ ପଚରାଉଚରା ସହ ଘଟଣାର ତଦନ୍ତ ଜାରି ରଖିଛି।